Та өөрийн харилцаа холбооны хэрэгцээгээ бүрэн хангахын зэрэгцээ нийгмийн сайн сайхны төлөө үйлсэд хувь нэмрээ оруулахыг хүсэж байна уу?
Увс, Хэнтий, Дундговь аймаг, Сонгинохайрхан дүүрэг гэхчлэн Монгол орны 21 аймаг, 9 дүүргээс аль дуртайгаа сонгож, хүүхэд багачууд, ахмад настнууд, хөгжлийн бэрхшээлтэй иргэд хийгээд нийт ард иргэдийн төлөө чиглэсэн нийгмийн хариуцлагын төсөл, хөтөлбөрүүдэд бодит хандив өгөх боломжийг Мобиком Корпораци та бүгдэд олгож байна.
Хэрхэн хандив өгөх вэ?
Ийнхүү Мобикомын хэрэглэгч танд төрж өссөн нутаг, дүүргийнхээ ард иргэдийн өмнө тулгарч буй бэрхшээлтэй асуудлууд, хүүхэд багачуудын сурч боловсрох орчин нөхцөлийг сайжруулах, олон нийтийн эрүүл мэндийг хамгаалах зэрэг үйл хэрэгт хувь нэмрээ оруулах боломж бүрдэж байна. Энэ бол Мобиком Корпорацийн зүгээс хэрэглэгч та бүхэнтэйгээ бүтээж буй ХАМТЫН ҮНЭ ЦЭН билээ.
Аймаг, дүүрэг бүрд цугласан нийт хандивыг Мобиком Корпорацийн зүгээс тухайн газар орон нутагт хамгийн ихээр тулгамдаж байгаа асуудлуудыг шийдэх төсөл, хөтөлбөрүүдэд зориулан хандивлах болно. Магадгүй танд ч гэсэн хийж хэрэгжүүлэхийг хүссэн, олон нийтэд тустай төсөл, хөтөлбөртөө дэмжлэг авах нөхцөл бүрдэх боломжтой.
Өнгөрсөн хугацаанд Мобиком Корпораци нь “Хайр түгээе” цэнэглэгч картын борлуулалтын тодорхой хувийг “Хүүхэд бүрд цэвэр ус”, “Эмч нартаа хайр түгээе” төсөл, хөтөлбөрт зориулсан билээ. Тодруулбал, 2019-2020 онд “Хүүхэд бүрд цэвэр ус” төслийн хүрээнд цугласан 157,000,000 (нэг зуун тавин долоон сая) төгрөгөөр Улаанбаатар хотын 9 дүүрэг, 21 аймгийн 111 Ерөнхий боловсролын сургуульд нийт 216 ус цэвэршүүлэгч суурилуулсан бол “Эмч нартаа хайр түгээе” аянаас цугласан 366,000,000 (гурван зуун жаран зургаан сая) төгрөгийг 21 аймгийн эмч, эмнэлгийн ажилчдад эмнэлгийн тусгай хэрэглээний амны хаалт авах, мөн аймгуудын Нэгдсэн эмнэлгүүдийн нэн шаардлагатай тоног төхөөрөмжүүдийг худалдан авахад зориулан хандивласан юм.
Мобикомын 1.5 сая хэрэглэгч та бүхэн бидний Хамтын үнэ цэн бүтээх аялалд нэгдэхэд бэлэн үү?