2021/01/26
Америк доллар
МОНГОЛ БАНК:
2,849.51₮
B30
УЛААНБААТАР
-19°
|
-26°
B30
УЛААНБААТАР
-22°
|
-29°
B30
УЛААНБААТАР
-16°
|
-31°
07:00
S26
-25°
08:00
S29
-25°
09:00
S30
-25°
10:00
S30
-24°
11:00
S30
-21°
12:00
S30
-19°
13:00
S30
-18°
14:00
S30
-16°
15:00
S30
-16°
16:00
S30
-17°
17:00
S30
-18°
18:00
S29
-19°

Теслагийн автомашин 580 орчим километр урт замыг жолоочгүй туулжээ

Р.Түвшин, iKon.mn
2021 оны 1 сарын 6
iKon.MN
Зураг

Теслагийн Model 3 загварын автомашины автомат жолоодлогын горимыг холын замд туршсанаа Whole Mars Catalog (WMC) YouTube суваг нийтэд үзүүлжээ.

Ингэхдээ Лос Анжелес хотоос Цахиурын хөндий хүртэл 580 орчим километр зайг бараг зургаан цагийн хугацаанд жолоочгүйгээр туулуулж туршсан байна.

Теслагийн автомашиныг худалдаж авахдаа “full self-driving” багцыг $10,000-аар нэмж авбал гэрэл дохион дээр зогсох, замын тэмдгийг таних, зогсоолд байрлуулах зэрэг үйлдлийг жолоочийн оролцоогүй гүйцэтгэдэг болох юм.

Аяллын туршид жолооч ганцхан удаа удирдлагыг нэг минут, 15 секундын хугацаанд гартаа авсан нь Кеттлмэн хотод цэнэглэхээр зогсох үед тохиолджээ. Жолооны ард явсан туршигч Теслагийн автомат жолоодлогын программ өмнөхөөсөө нэлээд сайжирсныг онцолсон байна.

Автомат жолоодлогын “full self-driving” багцаа 2021 оноос эхлэн сарын хураамжтай үйлчилгээ болгох гэж байгааг өнгөрсөн сард Теслагийн гүйцэтгэх захирал Илон Маск мэдэгдэж байв.

Үүний дараа тэр 2020 оны сүүлийн гурван өдөр Теслагийн автомашиныг худалдаж авсан хүмүүст энэ боломжоо гурван сарын турш үнэ төлбөргүй хэрэглүүлэх болсныг твиттер хуудсаараа зарлаж байжээ.

Эх сурвалж: Business Insider

 

x