Турк улс зөвхөн PCR шинжилгээний хариу нь сөрөг гарсан зорчигчдыг хилээрээ нэвтрүүлнэ

Сүүлийн 72 цагийн дотор хийлгэсэн PCR (polymerase chain reaction) шинжилгээний хариу нь сөрөг гарсан зорчигчдыг хилээрээ нэвтрүүлэх шийдвэр гарсныг Турк улсын эрүүл мэндийн сайд өчигдөр мэдээлжээ.

Шинэ журам ирэх Даваа гарагаас хэрэгжиж эхлэх ба тус улсыг зорих бүх зорчигч баталгаатай шинжилгээний хариугаа үзүүлж байж онгоцонд суухаар болсныг Туркийн эрүүл мэндийн сайд Фахреттин Кожа хэвлэлийн хурлын үеэр тайлбарласан байна.

Харин коронавирусийн шинэ аюултай хувилбар дотоодод нь илэрсэн Их Британи, Өмнөд Африк, Дани улсуудын зорчигчид шинжилгээний хариугаа шалгуулахаас гадна Туркэд ирснийхээ дараа заавал тусгаарлагдахаар болжээ.

Эх сурвалж: Reuters