2021/03/07
Америк доллар
МОНГОЛ БАНК:
2,849.34₮
B30
УЛААНБААТАР
|
-11°
B30
УЛААНБААТАР
|
-10°
B30
УЛААНБААТАР
|
-7°
07:00
S29
-11°
08:00
S30
-11°
09:00
S30
-8°
10:00
S30
-5°
11:00
S30
-2°
12:00
S30
13:00
S32
14:00
S32
15:00
S32
16:00
S32
17:00
S32
18:00
S32
Энэ мэдээ хуучирсан буюу 2020/12/16 -нд нийтлэгдсэн мэдээ болно.

Я.Содбаатар: Улсын нөөцөөс 3,800 тонн өвс, 1,900 тонн тэжээлийг малчдад үнэгүй олгох ажлыг эхлүүлэхээр боллоо

Т.Саран, iKon.mn
2020 оны 12 сарын 16
iKon.MN
Зураг
гэрэл зургийг MPA.mn

Засгийн газрын хуралдаанаас гаргасан шийдвэрийг танилцуулах үеэр өвөлжилттэй холбоотой асуудлаар холбогдох албаныхан мэдээлэл өглөө. 

Шадар сайд Я.Содбаатар "Намраас хойш улсын хэмжээнд зудын эрсдэлийн үнэлгээ хийсэн. 10 аймгийн 72 суманд өвөлжилт хүндрэх эрсдэлтэй байна. Үүн дотор Баянхонгор аймаг хамгийн эрсдэлтэй байгаа. Оторт явж байгаа нийт малчдад дэмжлэг үзүүлэхээр болсон. Зарим барааг гааль, НӨАТ-аас чөлөөлөх хууль батлагдсан. Уг хууль энэ долоо хоногоос хэрэгжиж эхэлнэ.

Хүнсний бүх төрлийн улаанбуудай, ургамлын тосны жагсаалт батлах асуудлыг өнөөдрийн хуралдаанаар шийдлээ. Улсын нөөцөөс 3,800 тонн өвс, 1,900 тонн тэжээлийг малчдад үнэгүй олгох ажлыг эхлүүллээ" гэлээ. 

ХХААХҮ-ийн сайд З.Мэндсайхан "Өвөлжилт хаваржилтыг давж туулахтай холбоотойгоор Засгийн газраас тодорхой асуудлыг шийдвэрлэлээ. Баянхонгор, Өвөрхангай, Говь-Алтай, Өмнөговь аймгийн зарим сум, отроор яваа малчдад зориулж ХХААХҮЯ дээр хэрэгжиж байгаа Дэлхийн банкны мал аж ахуйн эргэлтийг нэмэгдүүлэх төслөөс таван сая долларын буцалтгүй тусламж үзүүлэхээр боллоо.

Энэ хүрээнд дээр дурдсан аймгуудын нийт 40 орчим мянган өрхөд буюу нэг өрхөд 300 орчим мянган төгрөгийн тусламж үзүүлэхээр болсон. Үүнтэй холбоотой гарах тээвэрлэлтийг ойрын хугацаанд ХХААХҮЯ-наас зохион байгуулна.

Өвөлжилт хүндэрч байгаатай холбогдуулан малын тэжээлийн үнэ өссөн. Үүнтэй холбогдуулан Засгийн газраас гол нэрийн хүнсний бүтээгдэхүүн болон 2020-2021 оны өвөлжилт, хаваржилтыг амжилттай давахын тулд өвс тэжээлийн гааль болон НӨАТ-ын тэглэсэн.

Мөн дотоодод үйлдвэрлэгдэж байгаа малын гаралтай өвс тэжээл бэлтгэх аж ахуйн нэгжүүдийн борлуулалтаас авдаг НӨАТ-ыг чөлөөлөх хууль өнгөрсөн долоо хоногт батлагдсан. Хөнгөлөлтөд хамрагдах бүтээгдэхүүний жагсаалтыг баталлаа. Малын гаралтай өвс тэжээлийн үнэ цаашид тогтвортой байна гэж харж байгаа. Гааль, НӨАТ-ын татварыг тэглэсэнтэй холбогдуулан импортоор орж ирэх тэжээлийн нийлүүлэлт нэмэгдэнэ" гэв.

https://www.facebook.com/watch/?v=429350354926080

 

 

x