2021/03/07
Америк доллар
МОНГОЛ БАНК:
2,849.34₮
B30
УЛААНБААТАР
|
-11°
B30
УЛААНБААТАР
|
-10°
B30
УЛААНБААТАР
|
-7°
06:00
S29
-11°
07:00
S31
-11°
08:00
S30
-11°
09:00
S30
-9°
10:00
S30
-5°
11:00
S30
-2°
12:00
S30
13:00
S30
14:00
S32
15:00
S32
16:00
S32
17:00
S32
Энэ мэдээ хуучирсан буюу 2020/12/15 -нд нийтлэгдсэн мэдээ болно.

"Экспорт Монгол 2020" олон улсын цахим чуулга уулзалт эхэллээ

Г.Мөрөн, iKon.mn
2020 оны 12 сарын 15
iKon.MN
Зураг

"Экспорт Монгол 2020" олон улсын цахим чуулга уулзалт өнөөдөр нээлтээ хийлээ. 

Чуулга уулзалтыг нээж Гадаад харилцааны сайд Н.Энхтайван, Хүнс, хөдөө аж ахуй хөнгөн үйлдвэрийн сайд З.Мэндсайхан нар оролцогчдод мэндчилгээ дэвшүүлж, Монгол Улсын гадаад худалдаа, хөрөнгө оруулалт, экспортын бодлого, боломжийн талаар товч илтгэл тавилаа.

Чуулга уулзалтын хүрээнд экспортын бодлого эрх зүйн орчин, экспортын санхүүжилт, чанар стандарт баталгаажуулалт болон аялал жуулчлал, бүтээлч үйлдвэрлэл зэрэг экспортын чадамжтай бусад салбарыг дэмжих, экспортын кластерыг хөгжүүлэх асуудлаар дөрвөн цахим салбар хуралдаан, хэлэлцүүлэг мөн хөрөнгө оруулалт шаардлагатай, хөгжлийн төслийг танилцуулах бизнес хоорондын уулзалт, экспортын үйлдвэрлэл эрхэлж байгаа аж ахуйн нэгжүүдийн бараа, үйлчилгээний үзэсгэлэн болно.

Мөн маргааш буюу чуулга уулзалтын хоёр дахь өдөр манай гадаад худалдааны гол түнш болох АНУ, Европийн холбоо, ОХУ мөн Японы зах зээлд гарах, экспортын стратеги боловсруулах, шинэ  зах зээлийг судлах, найдвартай түнш олох зэрэг асуудлаар аж ахуйн нэгж, бизнес эрхлэгчдэд цахим сургалт хийх юм.

Гадаад харилцааны яам, Хүнс, хөдөө аж ахуй хөнгөн үйлдвэрийн яам, Жижиг, дунд үйлдвэрийн газар, Үндэсний хөгжлийн газар, Дэлхийн банк, Экспорт, олон улсын худалдааны төв, Монгол Улсын хөгжлийн түнш олон улсын байгууллагууд хамтран уг чуулга уулзалтыг зохион байгуулж байна.

Гадаад харилцааны сайд Н.Энхайваны мэндчилгээ:

 

Эх сурвалж: ГХЯ

x