БНХАУ хилээ хаасан гэх мэдээлэл олон нийтийн сүлжээнд гараад байна.
Энэ талаар ХХЕГ-ын олон нийттэй харилцах албанаас тодруулахад "Арваннэгдүгээр сарын 26-нд Улс тунхагласны баяр болсонтой холбогдуулан хэлэлцээрийн дагуу тухайн өдөр БНХАУ хилээ хаасан. Өнөөдрийн байдлаар тус улс хилээ хаасан зүйл байхгүй.
Манай улсад коронавирусийн халдвар гарсан учраас БНХАУ-ын талаас хорио цээрийн дэглэмээ илүү сайжруулах шаардлага тавьж байна. Хилээр нэвтэрч байгаа нүүрс тээврийн жолооч нар 48 цаг тутамд шинжилгээ өгөх шаардлагатай байгаа" гэсэн тайлбарыг өглөө.
МОНГОЛ-ХЯТАДЫН ХИЛИЙН БООМТУУДЫН АМРАЛТЫН ХУВААРЬ:
- Шинэ жил – 01 дүгээр сарын 01-ний
- Цагаан сар – шинийн 1, 2, 3 /Хятадын цагаан сарын баярын өдрүүдэд/
- Олон улсын эмэгтэйчүүдийн өдөр – 03 дугаар сарын 08-ны
- Ханш нээх өдөр – 04 дүгээр сарын 04-ний
- Олон улсын хөдөлмөрчдийн баяр – 05 дугаар сарын 01-ний
- Хүүхдийн баяр – 06 дугаар сарын 01-ний
- Луут завины баяр – 06 дугаар сарын 09-ний өдөр
- Монгол Улсын Үндэсний их баяр наадам, Ардын хувьсгалын ойн баяр – 07 дугаар сарын 11-15-ны
- Намрын баяр – 09 дүгээр сарын 15-ны өдөр
- БНХАУ-ын Үндэсний баяр – 10 дугаар сарын 01-03-ны өдөр
- Их эзэн Чингэс хааны өдөр – /өвлийн тэргүүн сарын шинийн 1/
- Бүгд Найрамдах Улс тунхагласан өдөр: 11 дүгээр сарын 26
- Монгол Улсын Үндэсний эрх чөлөө, тусгаар тогтнолоо сэргээсний баярын өдөр – 12 дугаар сарын 29-ний өдөр хилийн боомтууд ажиллахгүй байх хэлэлцээр хийгдсэн байдаг.