ФОТО: Бүх нийтийн бэлэн байдал зарласнаас 10 хоногийн дараа...
Коронавирусийн халдвар дотоодод бүртгэгдсэнтэй холбоотой Гамшгаас хамгаалах бүх нийтийн бэлэн байдал зарлаад 10 хонож байна.
Улаанбаатар хот COVID-19-ийн нэг голомтод тооцогдож байгаа бөгөөд өнөөдөр 11:00 цагийн байдлаар нийт 38 хүн коронавирусийн халдвартай нь батлагдаад буй. Тэгвэл төмөр зам дагасан халдвар таван аймагт бүртгэгдээд байна.
Өндөржүүлсэн бэлэн байдалтай холбоотойгоор цагдаа, мэргэжлийн хяналт, онцгой байдлын алба хаагчид 24 цагаар ажиллаж байгаа билээ.
Мөн нийслэлийн хэмжээнд коронавируст “Ковид-19” халдварын зорилтот бүлгийг шинжилгээнд хамруулах 18 төв, сайн дурын иргэд шинжилгээнд хамрагдах 86 өрхийн эрүүл мэндийн төвийг ажиллуулж байна. 2020 оны арваннэгдүгээр сарын 19-ний өдөр эдгээр төвд 3,630 хүн оношилгоонд хамрагдсан ба энэ сарын 14-ний өдрөөс хойш нийт 17,536 хүнийг хамруулжээ.
Гэрэл зургийг Mpa.mn
