ХУУЧИРСАН МЭДЭЭ: 2020/11/20-НД НИЙТЛЭГДСЭН
Өнгөрсөн дөрөв хоногт зам тээврийн ослын улмаас дөрвөн хүн гэмтэж, нэг хүн амиа алджээ
iKon.MN
Гэрэл зургийг mpa.mn
2020 оны 11 дүгээр сарын 16-20-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэст зам тээврийн ослын шинжтэй 152 дуудлага мэдээлэл иржээ.
Энэ өдрүүдэд зам тээврийн ослын улмаас дөрвөн хүн гэмтэж, орон нутагт нэг хүний амь нас хохирсон байна.
Тээврийн цагдаагийн албанаас өгсөн мэдээллээр Архангай аймаг Өгийнуур сумын нутагт шороон замд Мустанг-5 маркийн улсын дугааргүй мотоцикл онхолдож, жолооч, 62 настай, эрэгтэйн амь нас хохирчээ.
Мөн нийслэлд согтуугаар тээврийн хэрэгсэл жолоодсон 22 жолооч, орон нутагт 13 жолоочийг илрүүлсэн байна.
Харин машин жолоодох эрхгүй буюу эрхээ хасуулсан үедээ согтуугаар тээврийн хэрэгсэл жолоодсон 15 жолоочийг шүүхээр баривчлуулж, хариуцлага тооцжээ.
Зөвлөмж
Иргэд жолооч та бүхэн цар тахлын хорио цээрийн үед замын хөдөлгөөнд аль болох оролцохгүй байж, гэрээсээ гарахгүй гэртээ байж, халдвараас урьдчилан сэргийлж амны хаалтаа тогтмол зүүж, гараа угааж байхыг цагдаагийн байгууллагаас зөвлөж байна.
