Дархан-Улаанбаатар чиглэлийн 204.11 км авто замын хөдөлгөөнийг өнөөдөр нээлээ.
Нийт 204.11 км замын 135.19 км нь хатуу хучилттай/үүнээс 65.03 км нь шинээр баригдсан бол 70.16 км нь хуучин хучилтаар/ 68.92 км цементээр бэхжүүлсэн буталсан чулуун суурьтай.
Уг замыг нээх үеэр Зам, тээврийн хөгжлийн сайд Л.Халтар "Нийт замын 70 км орчим нь цементээр бэхжүүлсэн суурь байгаа бол мөн 70 орчим нь хуучин хучилттай замын нүхийг бөглөж, хөвөө хаяаг өргөтгөсөн байдлаар хөдөлгөөнийг нээлээ.
Ирэх жилийн гуравдугаар сарын 15-н буюу замын бүтэн байгуулалтын ажил эхлэх хүртэл эдгээр хэсгүүдэд тогтмол арчилгаа хийгдэж явна.
Дархан-Улаанбаатар чиглэлийн замд огцом эргэлттэй осол их гардаг цэгүүдийг шулуутгаж, хөдөлгөөний аюулгүй байдлыг хангасан.
Замыг дөрвөн эгнээ болгох ажил Европын сэргээн босголт, хөгжлийн банкны санхүүжилтээр хэрэгжих бөгөөд ирэх оны гуравдугаар сараас ажлаа эхлүүлэхээр хэмжилтийн ажлуудаа хийж байгаа" гэдгийг хэллээ.
Европын сэргээн босголт, хөгжлийн банкны санхүүжилтээр замыг дөрвөн эгнээтэй болгосноор нийт өргөн нь 18 метр болох юм байна.