ХУУЧИРСАН МЭДЭЭ: 2020/10/28-НД НИЙТЛЭГДСЭН
"Бүх шатны боловсролын байгууллагын суралцагчдыг "Halloween"-ний баяр тэмдэглэхийг хориглосон"
iKon.MN
"Halloween" буюу сүнсний баяр нь Монгол Улсын Нийтээр тэмдэглэх баяр болон тэмдэглэлт өдрүүдийн тухай хуулийн жагсаалтад тусгагдаагүй байдаг.
Иймд БШУЯ-наас бүх шатны боловсролын сургалтын байгууллагын суралцагчдын дунд сүнсний баярыг тэмдэглэхгүй байх сайдын тушаал өнгөрсөн онд гарч, ЕБС-ийн удирдлагуудад албан тоот өгч байсан юм.
Сайдын тушаалд:
Хүүхдийн хүмүүжил, төлөвшилд сөрөг нөлөө үзүүлэхүйц баяр, арга хэмжээнд хүүхдээ оролцуулахгүй байхыг зөвлөсөн байна.
Энэ шийдвэр цуцлагдаагүй, хэвээрээ байгаа бөгөөд тушаалыг мөрдөж ажиллахыг албаныхан санууллаа.
Сүнсний баяр Ирландчуудаас үүсэлтэй бөгөөд тэд аравдугаар сарын 31-ний үдэш дэлхийд бүх сүнс цугладаг хэмээн үздэг байна.
