Хан-Уул дүүрэгт хяналтын тооллого явуулах хэсгийг сонгож байна
Аймаг, нийслэл, сум, дүүргийн ИТХ-ын сонгуулийн санал хураалт 20:00 цагт дууслаа. Ингэснээр хэсгийн хороодын 50 хүртэл хувьд хяналтын тооллого явуулж болохыг хуульд заасан. Энэ дагуу Хан-Уул дүүргийн сонгуулийн хэсгийн хороодод хяналтын тооллого явуулах ажлыг зохион байгуулж байна.
ШУУД ҮЗЭХ:
Аймаг нийслэл, сум дүүргийн ИТХ-ын сонгуулийн тухай хуульд заасны дагуу санал хураалт дууссаны дараа сум дүүргийн хэсгийн хороод өөрийн харьяалах хэсгийн хороодоос 50 хүртэл хувийг нь сонгож хяналтын тооллого хийж болно гэжээ.
Энэ талаар СЕХ-ны Хууль эрхзүйн хэлтсийн дарга Д.Бат-Эрдэнэ "Энэ сонгох үйл ажиллагааг сонгуулийн байгууллага хийхгүй. Нам, эвсэл, нэр дэвшигчдийн төлөөлөл аль 50 хувьд нь хийх вэ гэдгийг сонгодог.
Хяналтын тооллоготой холбоотой нарийвчилсан зохицуулалтыг СЕХ-ноос баталсан. Энэ үйл ажиллагаанд нам, эвслийн ажиглагч нар, хэвлэл мэдээллийн байгууллагууд нээлттэй оролцож болно" хэмээн хэлж байв.
