COVID-19-ийн халдварын улмаас нас барсан сая гаруй хүний 50-иас илүү хувь нь дөрвөн улсад бүртгэгджээ
Covid-19 цар тахлын улмаас нас барсан хүний тоо дэлхий даяар нэг саяыг даваад буйг Жон Хопкинсийн их сургуулийн дата харуулж байна. Яг одоо (2020.09.29-ний 12 цаг) тус үзүүлэлтээр дэлхий даяар Covid-19 халдварын тохиолдлын тоо 33.2 сая байгаа бол үүнээс нас барсан хүний тоо 1,000,867-д хүрчээ.
Нас барсан хүний тоо хамгийн өндөр байгаа 10 улсад:
- АНУ – 205,069
- Бразил – 142,058
- Энэтхэг -95,542
- Мексик -76,603
- Их Британи -42,090
- Итали -35,851
- Перу -32,262
- Испани -31,411
- Иран -25,779
- Колумби – 25,641 хүн нас баржээ.
Нийт нас барсан хүний 50-иас илүү хувь нь АНУ, Бразил, Энэтхэг, Мексик гэсэн дөрвөн улсад ногдож байна.
Шинэ коронавирусийн халдварын улмаас хүн нас барсан анхны тохиолдол 2020 оны нэгдүгээр сарын 9-ний өдөр БНХАУ-ын Ухань хотод бүртгэгдэж байсан бол үүнээс 24 долоо хоногийн дараа буюу зургаадугаар сарын 28-нд дэлхийн хагас сая хүн энэхүү халдварын улмаас нас барсныг бүртгэж байжээ.
Тэгвэл COVID-19 халдварын улмаас нас барсан хүн нэг саяд хүрсэн нь зургаадугаар сарын 28-наас 13 долоо хоногийн дараа буюу есдүгээр сарын 28-нд ийнхүү бүртгэгдэж байна.
Эх сурвалж: CNN, JHU
