2020/10/25
Америк доллар
МОНГОЛ БАНК:
2,852.33₮
B30
УЛААНБААТАР
|
-3°
B30
УЛААНБААТАР
-1°
|
-8°
B30
УЛААНБААТАР
|
-10°
13:00
S32
14:00
S32
15:00
S32
16:00
S30
17:00
S30
18:00
S29
19:00
S29
20:00
S29
21:00
S29
22:00
S29
23:00
S29
00:00
S29
-1°

Япон улсын экс ерөнхий сайд Ясүкүни сүмд зочлов

Э.Сэмүүн, ikon.mn
2020 оны 9 сарын 20
iKon.MN
Зураг

Хэдхэн хоногийн өмнө Япон улсын ерөнхий сайдын суудлаас өөрийн хүсэлтээр огцорсон Абэ Шинзо өчигдөр дайнд амь үрэгдэгсдийн бунхан гэгддэг Ясүкүни сүмд зочилжээ.

Тэрбээр энэ үйл явдлын зургийг сошиал хуудсандаа нийтлээд өөрийн огцорсон тухай мэдээг дайнд хэлмэгдэгсдийн сүнснүүдэд дуулгахаар очсоноо тайлбарласан байна.

1869 онд байгуулагдсан Ясүкүни сүмд дэлхийн хоёрдугаар дайнд амь үрэгдсэн Япон улсын 2.5 сая иргэний сүнсийг тахидаг. Энд бас хэдэн зуун дайны гэмт хэрэгтнүүдийн шарилыг бунхалсан байдаг юм. Тухайлбал 1948 онд цаазлуулсан дайны үеийн ерөнхий сайд Хидеки Тожог энд оршуулжээ.

Тиймээс Японы төрийн өндөр албан тушаалтнууд уг сүмд зочлох бүрт дайнд хамгийн их хэлмэгдсэн Хятад, Өмнөд Солонгос улсууд эсэргүүцэл илэрхийлдэг.

Абэ Шинзо ерөнхий сайд байхдаа хамгийн сүүлд 2013 онд Ясүкүнид зочлох үеэр эдгээр улсуудын зүгээс ширүүн эсэргүүцэлтэй тулгарч байв. Тэр цагаас хойш дахин сүмд биеэр зочлоогүй ч төлөөлөгчөөрөө дамжуулан өргөл барьц илгээдэг байсан юм.

Абэ ерөнхий сайдаар ажиллах хугацаандаа дэлхийн хоёрдугаар дайны дараа баталсан үндсэн хуулийг өөрчилж, Япон улсыг зэвсэгт хүчинтэй болгох зорилготой байсан ч бүтээгүй.

Түүнийг залгамжилсан ерөнхий сайд Ёшихидэ Сүга энэхүү эмзэг асуудалд хэрхэн хандах нь одоогоор тодорхойгүй байна. 

 

Эх сурвалж: BBC

 

x