mpa.mn

Аймаг, нийслэлийн сонгуулийн талаар Ардчилсан Нам, Монгол Ардын Хувьсгалт Нам, Шударга Иргэдийн Нэгдсэн Эвсэл намуудын нийслэлийн хороод хамтарч мэдээлэл хийлээ. Дээрх гурван нам орон нутгийн сонгуульд хамтарч оролцохоо илэрхийлээд байгаа билээ. 

Нийслэлд өрсөлдөх 45 нэр дэвшигчийн 37 нь Ардчилсан намаас, найм нь МАХН-аас нэр дэвшихээр болжээ. 

Өөрөөр хэлбэл, АН-аас 37 нэр дэвшигч нэр дэвшиж байгаа тойрогт МАХН-аас нэр дэвшүүлэхгүй, МАХН-аас нэр дэвшигч өрсөлдөж буй найман тойрогт АН-аас давхардаж нэр дэвшихгүй аж.

Харин ШИНЭ намын тухайд Ардчилсан Намаас үүссэн, гишүүд дэмжигчид нэг учраас АН-аас нэр дэвшихээр болжээ. 

Нийслэлд өрсөлдөх 45 нэр дэвшигчийг насны ангиллаар авч үзвэл, 25-35 насны зургаан хүн буюу 13 хувь, 35-45 насны 26 хүн буюу 57 хувь, 45-50 насны 13 хүн буюу 28.9 хувь байна. Нэр дэвшигчдийн дундаж нас 41.

АН, ШИНЭН, МАХН намуудын нэгдлээс хүйсийн тэнцвэртэй байдлыг хадгалж эрэгтэй 34, эмэгтэй 11 нэр дэвшигчийг тодруулсан байна.

Боловсролын хувьд 45 нэр дэвшигчид бүгд дээд боловсролтой бөгөөд үүнээс 60 хувь нь магистр, долоон хувь нь докторын зэрэгтэй. Нийт нэр дэвшигчдийн 30 хувь нь АНУ, Англи, Япон, европын холбооны өндөр хөгжилтэй улс орнуудад мэргэжил эзэмшсэн байна. 

Нийслэл, дүүргийн ИТХ-ын Төлөөлөгч, Засаг даргаар ажиллаж байсан туршлагатай, Нийслэлийн иргэдээ төлөөлөхөд бэлэн гэж үнэлэгдсэн18 хүн байгаа бол 27 нь улс төрд анх орж байгаа залуучууд байгааг дээрх гурван намаас мэдээллээ. 

АН, МАХН, ШИНЭ намаас НИТХ-д нэр дэвшиж буй 45 хүнийг танилцуулж байна

Нийт 45 нэр дэвшигчээс МАХН-ын нэр дэвшигчдийн нэрийг өөр өнгөөр ялган харуулав.