ХӨСҮТ-ийн Тандалт, судалгааны албаны дарга А.Амбасэлмаа ЭМЯ-ны өнөөдрийн ээлжит мэдээллийн үеэр томуугийн өвчлөлийн талаар мэдээлэл өглөө.
Тэрбээр "Энэ долоо хоногт томуу, томуу төст өвчин амбулаторийн үзлэгт 2.2 хувийг эзэлж байна. Үүний дотор 15 хүртэлх насны өвчлөл 88.4%, дөрөв хүртэлх насны хүүхдийн өвчлөл 69.4% байна.
Вирус судлалын лабораторид томуугийн тандалтын нэгжүүдээс ирүүлсэн сорьцны 66%-д нь риновирус илэрсэн байна. Өөрөөр хэлбэл, ханиад, томууг үүсгэгч риновирусийн халдвар их байна гэсэн үг" гэв.