"Надад унаад, зугтаадаг хувийн машин ч байхгүй. Би завтай хүн биш, тэгж явах цаг байхгүй"
Манай улсын хувьд тусгаарлах ажиглалтад 289 хүн шинээр орж, 26 хүн гарсан бөгөөд одоогийн байдлаар 3,358 хүн ажиглах, тусгаарлах байранд байгааг өнөөдөр Эрүүл мэндийн яамнаас ээлжит мэдээллээ танилцуулах үеэр онцоллоо.
Цэргийн төв эмнэлэгт үүргийн онгоцоор ирсэн 79 хүн хэвтэн эмчлүүлж байгаагаас гурван хүний биеийн байдал хүндэвтэр, эрчимт эмчилгээний тасагт эмчлүүлж байна. Мөн өдөрт, эх орондоо ирсэн 2-3 онгоцны зорчигчдоос давтан шинжилгээ авч байгааг тус тус мэдээлэв.
Ийнхүү коронавирусийн халдвартай холбоотой цаг үеийн мэдээллийг танилцуулсны дараа ХӨСҮТ-ийн удирдлагууд халдварын голомт буюу ажлын байран дээрээ архидан согтуурсан гэх цахим орчинд тараад буй мэдээлэлтэй холбоотойгоор сэтгүүлчдийн асуултад ХӨСҮТ-ийн Тандалт, судалгааны албаны дарга А.Амбасэлмаа хариулсан юм.
Уг мэдээлэлд тэрбээр "Миний хувьд маш чухал цаг үед, чухал ажлыг хариуцаад хийж байгаа энэ үед тэгж явах цаг байхгүй. Надад унаад, зугтаадаг хувийн машин ч байхгүй. Сүүлийн үед хүний нэр хүндэд хэт халдах, цаг наргүй хөдөлмөрлөж байгаа хүмүүс рүү дайрч давшлах асуудал гарсаар байна. Би завтай хүн биш, надад тэгж явах цаг байхгүй” хэмээх тайлбарыг өглөө.
ВИДЕО ҮЗЭХ:
