Хичээлээ онлайнаар заах их сургуулиудад шинээр элссэн гадаад оюутнуудыг АНУ хүлээж авахгүй

Хэрвээ элссэн их сургууль нь хичээлээ 100 хувь онлайн горимд заах бол энэ намар гадаад орнуудаас ирэх шинэ оюутнуудыг хүлээж авахгүй болсноо АНУ-ын цагаачлал, хил гаалийн алба өчигдөр мэдэгджээ. Сургууль нь хэсэгчилсэн онлайн сургалттай, эсвэл 100 хувь анги танхимд хичээллэх тохиолдолд шинэ элсэгчдийг АНУ-ын хилээр нэвтрүүлэх юм байна.

Харин одоо АНУ-ын их сургуулиудад суралцаж буй гадаад оюутнууд бүрэн онлайнаар суралцсан ч тус улсад үлдэх боломжтой болжээ.

Хоёр долоо хоногийн өмнө Трампын засаг захиргаа ирэх намраас цэвэр онлайнаар хичээлээ заах болсон их сургуулиудын бүх гадаад оюутанд хилийн хориг тавих шийдвэр гаргаж байсан ч Харвард, Массачусетсийн Технологийн их сургуулиуд эсэргүүцэж, шүүхэд зарга үүсгэсэн тул шийдвэрээсээ буцаж байв.

Харин энэ удаа хилийн хоригийг зөвхөн шинээр элсэгчдэд үйлчлэхээр өөрчилсөн байна.

Эх сурвалж: Bloomberg