Уншиж байна ...
Зураг
Зураг
ХУУЧИРСАН МЭДЭЭ: 2020/07/21-НД НИЙТЛЭГДСЭН

Монгол Улсад дэлхийд өрсөлдөх чадвартай блокчэйн хөгжүүлэгчдийг бэлтгэх сургалт явагдаж байна

А.Намуун, iKon.mn
2020 оны 7 сарын 21
iKon.MN
Зураг зураг

Нийслэлийн Мэдээлэл, технологийн газар, Монголын Блокчэйн технологийн холбоо болон INPUT OUTPUT компанийн хооронд байгуулсан санамж бичгийн хүрээнд Монгол Улсад дэлхийд өрсөлдөх чадвартай блокчэйн хөгжүүлэгчдийг бэлтгэх зорилготой Хаскелл программчлалын хэлний сургалт 2020 оны долдугаар сарын 20-нд албан ёсоор нээлтээ хийлээ.

Энэхүү сургалтанд нийт 300 орчим мэдээллийн технологийн оюутан болон мэргэжилтнүүд бүртгүүлснээс 25 залуус сонгон шалгарч сургалтад тэнцэн хамрагдаж байгаад баяр хүргэж, “Улаанбаатар хотыг ухаалаг шийдэл, технологид суурилсан үйлчилгээг ашиглан иргэдийн амьдрах орчинг аюулгүй болгох, төрийн үйлчилгээг цахимаар авах олон төслүүдийг хэрэгжүүлэхээр төлөвлөж байгаа бөгөөд энэхүү зорилгын хүрээнд сургалтад хамрагдаж буй залуустай цаашид хамтран ажиллахад нээлттэй” байгаа талаар Нийслэлийн Мэдээлэл, технологийн газрын орлогч дарга Б.Бат-Эрдэнэ онцоллоо.

Хаскелл программчлалын хэл нь блокчэйн, кибер аюулгүй байдал, хиймэл оюун ухаан, Big data аналитик салбаруудад ажиллах чадвар суурийг бий болгож дотооддоо болон олон улсад ажиллах боломжууд нээгдэх юм. Бидний сайн мэдэх Facebook, Google, Intel, Microsoft компаниуд Хаскелл хэлийг нарийн төвөгтэй систем, программуудад ашигладаг байна.

Хаскелл программчлалын хэлний боловсрол олгох сургалтыг INPUT OUTPUT компанийн Боловсрол хариуцсан захирал, Математикийн ухааны доктор, Ph.D Lars Bruenjes болон Компьютерын шинжлэх ухааны доктор Ph.D Polina Vinogradova нар удирдан заана.

Энэхүү сургалтыг Аргентин, Этиоп, Мексик зэрэг орнуудад амжилттай зохион байгуулсан туршлагатай. Энэ жил Нийслэлийн Мэдээлэл, технологийн газар, Монголын Блокчэйн технологийн холбоо, Мэдээлэл, технологийн үндэсний парктай хамтран Монголд албан ёсоор нээлтээ хийж байгаад таатай байна хэмээн INPUT OUTPUT компанийн захирал Charles Hoskinson хэллээ.

 

 

Эх сурвалж: Нийслэлийн мэдээлэл, технологийн газар