COVID-19 цар тахлын нөхцөл байдлын талаар Эрүүл мэндийн яамнаас мэдээлж байна.
Эрүүл мэндийн яамны хэлтсийн дарга Д.Нарангэрэл "Коронавирусийн халдвар дэлхийн 216 улс орон, нутаг дэвсгэрт бүртгэгдэж 13 сая гаруй хүн өвчилж, 570 гаруй мянган хүн энэ өвчний улмаас нас бараад байна.
Одоогоор 7.7 сая хүн эмчлэгдэн эдгэрээд байгаа юм.
Автсралид улирлын томуутай зэрэгцэн коронавирусийн халдвар нэмэгдэж байна. Дэлхийн бөмбөрцгийн урд хэсэгт орших Австрали, Шинэ Зеланд улсуудад гарч буй улирлын томуугийн шинж тэмдэг нь дараа жил манай улсад 2020, 2021 онд гарах улирлын томуугийн шинж төрхтэй төстэй байдаг. Иймээс 2020, 2021 онд гарах улирлын томуу нь коронавирусийн халдвартай зэрэгцэн явагдах магадлалтай байгаа тул бүх хүн бэлэн байдлаа хангах хэрэгтэй байна.
Дэлхийн 10 гаруй оронд хүнсний үйлдвэрлэл, худалдаатай холбоотойгоор коронавирусийн халдвар дамжин тархаж байгааг эрдэмтэн судлаачид тогтоожээ. Тиймээс зарим томоохон хот хөл хориогоо дахин тогтоож байгаа юм" гэлээ.
Манай улсын хэмжээнд ажиглалтад шинээр 70 хүн орж, 295 хүн тусгаарлах байрнаас гарчээ. Одоогоор ажиглалтад 2,774 хүн байгаагаас
Шуурхай 119 аппликейшнд Америк, Англи, ОХУ, Казахстан улсаас дөрвөн иргэн холбогдож зөвлөгөө авчээ.