​ОХУ-аас эх орондоо ирэх хүсэлт гаргасан иргэдийг Алтанбулаг боомтоор татан авах ажиллагаа эхэллээ

Гэрэл зургийн эх сурвалж: МХЕГ

Улсын онцгой комиссын шийдвэрийн дагуу 2020 оны долоодугаар сарын 05-06-ны өдрүүдэд ОХУ-аас эх орондоо ирэх хүсэлт гаргасан иргэдийг Алтанбулаг боомтоор хүлээн авах бэлтгэл ажлыг ханган ажиллаж байгаа талаар Сүхбаатар боомтын Хилийн мэргэжлийн хяналтын алба мэдээлжээ.

Тэд "Монгол Улсын Шадар сайдын 2017 оны А/08, МХЕГ-ын даргын 2018 оны А/192 тушаалын дагуу Сүхбаатар боомт дахь Хилийн мэргэжлийн хяналтын алба өндөржүүлсэн бэлэн байдалд ажиллаж байна" гэж мэдээлсэн байна.