УИХ-ын сонгуульд эмэгтэйчүүдийн өгсөн санал эрчүүдийнхээс 11.2 хувиар ИЛҮҮ байна

Гэрэл зургийг Mpa.mn

УИХ-ын 2020 оны ээлжит сонгуулийн санал хураалт улсын хэмжээнд үргэлжилж байна.

Санал хураалт 22:00 цагт дуусах бөгөөд 17:00 цагийн байдлаар саналын ирц 52.6 хувьтай явж байгаа юм.

Сонгогчдын нэрийн жагсаалтад бүртгэгдсэн нийт 2,000,624 сонгогчоос саналаа өгсөн хувиар эмэгтэйчүүд давамгайлж байна.

Тодруулбал, саналаа нийт сонгогчдын:

• 55.6 хувийг эмэгтэйчүүд,
• 44.4 хувийг эрэгтэйчүүд бүрдүүлжээ.

 

Сонгогчийн нэрсийн жагсаалтад бүртгэгдсэн сонгогчдын,

• 961,971 нь буюу 48 хувь нь эрэгтэй
• 1,038,653 нь буюу 52 хувь нь эмэгтэй сонгогч байна. Өөрөөр хэлбэл, эрэгтэй сонгогчид эмэгтэйчүүдээс 76,682-оор бага гэсэн үг.

Сонгуулийн санал хураалт дуусахад ердөө хоёр цаг гаруйн хугацаа үлдсэн учир иргэдийг, тэр дундаа эрэгтэйчүүдийг сонгуульдаа идэвхтэй оролцож, саналаа өгөхийг уриалж байна.