Монгол Улс 2020 он гарснаас хойш зургаадугаар сарын 17-ныг хүртэлх хугацаанд бугын 13.5 мянган кг ясан эвэр экспортолжээ. Эдгээрийг бүгдийг нь БНСУ руу гаргасан талаар Гаалийн ерөнхий газрын статистик мэдээлэлд дурдсан байна.
Бугын ясан эврийг гаргах тусгай зөвшөөрлийг БОАЖЯ-наас аж ахуйн нэгжүүдэд олгодог бөгөөд тухай ААН-үүд гарал үүслийн гэрчилгээ, зөвшөөрөл, лабораторийн дүгнэлт, мал эмнэлгийн гэрчилгээ, экспорт, импортын гэрээ, хорио цээрийн тодорхойлолт гэх мэт бичиг баримтад үндэслэн бугын ясан эврийг татваргүйгээр хилээр гаргадаг байна.
Хүснэгт. Бугын ясан эвэр (2018.01.01-2020.06.17)
Oн, хүлээн авагч улс | тоо хэмжээ /кг/ |
2018 | 103,222.1 |
БНСУ | 63,722.1 |
Вьетнам | 6,500.0 |
Сүнган (Хонг Конг) | 10,000.0 |
ХБHГУ | 23,000.0 |
2019 | 86,504.0 |
БНСУ | 63,210.0 |
Сүнган (Хонг Конг) | 2,294.0 |
ХБHГУ | 21,000.0 |
2020 | 13,450.0 |
БНСУ | 13,450.0 |
БОАЖ-ын сайд 2017 онд тушаал гаргаж, жил бүрийн гуравдугаар сарын 20-ноос зургаадугаар сарын 10-н, есдүгээр сарын 20-ны өдрөөс арваннэгдүгээр сарын 10-ныг хүртэлх хугацаанд ой, хээрийн түймэр, байгаль хамгаалах журмын эсрэг гэмт хэргээс урьдчилан сэргийлэх зорилгоор ой, ойт хээрийн бүсэд байгалийн жамаар унасан бугын ясан эвэр түүх үйл ажиллагааг хориглосон байдаг. Гэхдээ энэ нь хилээр гаргахыг хориглосон хугацаа биш гэдгийг ГЕГ тодрууллаа.