Уншиж байна ...
Зураг
Зураг
ХУУЧИРСАН МЭДЭЭ: 2020/06/17-НД НИЙТЛЭГДСЭН

Владимир Путинтэй уулзах хүн тусгай хонгилоор нэвтэрдэг болжээ

Р.Төмөр, ikon.mn
2020 оны 6 сарын 17
iKon.MN
Зураг зураг
00:00 00:00
Владимир Путинтэй уулзах хүн тусгай хонгилоор нэвтэрдэг болжээ
Sara, ikon.mn - text to speech

ОХУ-ын ерөнхийлөгчид бараалхах хүн бүр тусгай ариутгагч хонгилоор нэвтэрдэг болсныг РИА агентлаг өчигдөр мэдээлжээ.

Энэ хонгил нь нэвтэрсэн хүний бие, хувцсанд халдваргүйжүүлэх бодис цацдаг бөгөөд коронавирусийн халдвараас сэргийлэх зорилготой юм байна.

Пенза хотын нэгэн компанийн зохион бүтээсэн хонгилыг Москвагийн ойролцоо Ново-Огарёво дахь Владимир Путины харшийн гадна суурилуулжээ.

Путинтэй уулзах хүн бүрээс коронавирусийн шинжилгээ авч байгааг Кремлийн хэвлэлийн төлөөлөгч Дмитрий Песков дөрөвдүгээр сард мэдээлж байв.

Гэхдээ ингэж ярьснаасаа хойш сарын дараа тэр өөрөө халдвар авсан юм.

ОХУ-д өнөөдөр коронавирусийн халдварын батлагдсан тоо 500,000 давж, энэ үзүүлэлтээрээ дэлхийд АНУ, Бразил улсуудын дараа гуравдугаарт жагсаж байна.

Харин нас барсан өвчтөний тоо 7,284 байгаа нь бусад улс орнуудтай харьцуулахад цөөнд тооцогдож байгаа юм.

Эх сурвалж: Reuters