Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас Олон улсын хүүхдийн эрхийг хамгаалах өдрийг “Хүүхэд гэр бүлдээ аз жаргалтай” уриан дор тэмдэглэн өнгөрүүлэх талаар мэдээлэл хийж байна.
ШУУД ҮЗЭХ:
2020 оны Олон улсын хүүхдийн эрхийг хамгаалах өдрийг онцлог байдлаар тэмдэглэн өнгөрүүлэхээр байгааг ГБХЗХГ-ын дэд дарга Б.Халиун хэвлэлийн хурлын эхэнд хэлэв.
Үргэлжлүүлэн тэрбээр "Ковид-19 цар тахалын энэ онцгой цаг үед гэр бүлийн бүх гишүүдийн үүрэг хариуцлагыг нэмэх, гэр бүл дэх хүүхэд, хөгжил хамгааллыг сайжруулах, хүүхдэд ээлтэй гэр бүлийн орчинг нэмэгдүүлэх, дэмжих, тэгш оролцоог хангах хүрээнд Хүүхдийн эрхийг хамгаалах олон улсын өдрийг "Хүүхэд гэр бүлдээ жаргалтай" уриан дор гэр гэртээ тэмдэглэн өнгөрүүлэх уриалгыг гаргаж байгаа юм.
ГБХЗХГ-аас гаргасан удирдамжийг нийслэл болон орон нутгийн Гэр бүл хүүхэд, залуучуудын хөгжлийн газарт хүргүүлж, нэгдсэн удирдлага, арга зүйгээр ханган ажиллаж байна" гэв.
ХНХ-ым сайд, БСШУС-ын сайд, ЭМ-ийн сайдын хамтран баталсан гэр бүлийн орчинд хүүхдийн аюулгүй байдлыг хангах, хараа хяналттай байлгах, болзошгүй осол гэмтэл, эрсдлээс урьдчилан сэргийлэх арга хэмжээний удирдамжийг баталжээ.
Энэ удирдамжийн хүрээнд ГБХЗХГ-аас "Эрсдэлт нөхцөлд амьдарч байгаа хүүхдийг илрүүлэх, хэрэгцээг тодорхойлох түргэвчилсэн үнэлгээ"-г 2020 оны гуравдугаар сард улсын хэмжээнд зохион байгуулж 109,991 өрхийг хамруулсан байна. Эдгээр өрхөд 200 мянга гаруй хүүхэд амьдарч байна.
Урьдчилсан байдлаар дүн гаргахад: