Дэлхийн эдийн засгийн форумаас гаргасан судалгаагаар Ковид - 19 цар тахлын үед ихэнх хүмүүс онлайн худалдаа, видео гэх мэт сошиал, интернэт орчныг ашиглаж байгаа бөгөөд олон улсын хурал семинар, үзэсгэлэн, компаниудын өдөр тутмын үйл ажиллагаанууд онлайн хэлбэрт шилжиж, дэлхий нийт цахим харилцааны шинэ эрин үед шилжээд байгаа талаар мэдээллээд байна. Хамгийн сүүлд гэхэд 1,2 сая оролцогчтой БНХАУ - ын “Canton fair” олон улсын үзэсгэлэнг онлайнаар зохион байгуулахаар болсныг зарлаад байгаа юм.
Тиймээс дэлхийн чиг хандлага, шинэ дэвшлээс хоцрохгүйгээр 13 жилийн турш тасралтгүй зохион байгуулагдсан хамгийн олон оролцогч, үзэгчтэй “BARILGA EXPO 2020” олон улсын барилгын үзэсгэлэнгээ “Цахим хувьсгалд хамтдаа” уриан дор 2020 оны 5 дугаар сарын 25-29-ны өдрүүдэд цахим хэлбэрээр зохион байгуулахаар болоод байна.
Барилгын салбарын бүтээн байгуулалт, шинэ техник технологийг олон нийтэд танилцуулдаг уг үзэсгэлэнгийн өдрүүдэд оролцогч байгууллагууд бүрийн төсөл хөтөлбөр, бүтээгдэхүүн, барилгын материалаа танилцуулсан цахим талбай буюу вэбүүд www.barilgaexpo.mn сайтад төвлөрч, эрэмбэлсэн ангилалын дагуу байрших болно. Цахим талбай гэдэг нь байгууллагын талаарх танилцуулга, бүтээгдэхүүн, үйлчилгээ, орон сууцны дэлгэрэнгүй үзүүлэлт, видео, зурган танилцуулга, контент зөвлөгөө мэдээлэл болон холбоо барих утасны дугаар, сошиал холбоосуудыг нэгтгэсэн вэб сайт юм” /онцгойлох/
Харин хэрэглэгчид компаниудын цахим талбайгаар зочилж, сонголтоо хийх бөгөөд онлайн худалдан авалт, тодруулах зүйл гарсан тохиолдолд хариуцсан менежер, мэргэжилтэнтэй шууд /чат, утас, мэйл гэх мэт/ холбогдох боломжтой. Мөн эдгээр өдрүүдэд мэргэжлийн студийн баг ажиллах бөгөөд барилгын салбартай холбоотой илтгэл, хэлэлцүүлэг, вебинар сургалт, мэтгэлцээн болон оролцогчдын бүтээгдэхүүн үйлчилгээ, зөвлөгөө видео, Live - ыг мэргэжлийн хөтлөгч, хөтөлбөрийн дагуу шууд дамжуулах болно.
АННБ - ууд цахим үзэсгэлэнд оролцсоноор
Цахим үзэсгэлэнд хэрхэн оролцох вэ?
Хэрвээ та “Barilga expo - 2020” олон улсын цахим үзэсгэлэнд оролцохоор шийдсэн бол хамгийн түрүүнд бүртгүүлэх шаардлагатай. Өмнө нь www.barilga.mn сайтад бүртгэлтэй бол тухайн хаягаараа нэвтэрч, өөрсдийн вэб хуудсыг нээх юм. Харин бүртгүүлж амжаагүй байгаа бол дараах видео заавартай танилцана уу.
Цахим үзэсгэлэнд хэрхэн амжилттай оролцох вэ?
Орчин цагт маркетинг сурталчилгааны арга хэрэгсэл улам бүр сайжирч, бизнес эрхлэгчдэд илүү өндөр шаардлага тавигдах болжээ. Тэрхүү арга хэрэгслүүдийн нэг бол сошиал маркетинг юм. Тиймээс энэ удаагийн “Barilga Expo- 2020” олон улсын үзэсгэлэн нь танай бизнесийн хамгийн үр өгөөжтэй маркетинг болж чадна гэдэгт итгэлтэй байна. Үзэсгэлэнд оролцохоос илүүтэй үр дүн хамгийн чухал. Тиймээс оролцогч байгууллагууд цахим үзэсгэлэнд амжилттай оролцохын тулд дараах алхмуудыг гүйцэтгэсэн байх хэрэгтэй. Зөвлөгөөг энд дарж уншина уу.
Үзэсгэлэнгийн өдрүүдэд явагдах хөтөлбөрийн тойм
Өдөр бүр үндсэн чиглэл, тухайлсан сэдвийн хүрээнд илтгэл, сургалт, семинар, хэлэлцүүлэг, мэтгэлцээн онлайнаар цацагдах бөгөөд оролцогч байгууллагуудын live, видео контентуудыг та бүхэнд хүргэх болно.
Онцгой хямдрал урамшуулал хэрэглэгч таныг хүлээж байна
Жил бүр үзэсгэлэнгийн өдрүүдэд оролцогчид ОНЦГОЙ ХЯМДРАЛ, УРАМШУУЛАЛыг зарладаг уламжлалтай. Тэгвэл “Barilga Expo-2020” цахим үзэсгэлэнд ч урамшууллууд эхнээсээ задарсаар байна. Тухайлбал,
Орон сууц:
Алтай Констракшн” ХХК ШОС: “Саруул хороолол” - ын сүүлийн 6 дугаар ээлжийн 2,800,000₮-ийн шинэ орон сууцандаа урьдчилгаанаас хамааран 10%-20% хүртэл хямдрал.
Барилгын материал:
Цахим үзэсгэлэн гэдэг та бидний хувьд шинэ зүйл. Гэхдээ шинэ зүйл үргэлж сонирхолтой дараагийн алхам руу шилжих, дээш хөгжин, дэвшихийн эхлэл байдаг. Тиймээс Барилга бүтээн байгуулалтын салбарт үйл ажиллагаа явуулж байгаа аж ахуйн нэгж байгууллага та бүхнийг орчин үеийн технологийн дэвшлийг ашиглан цахим хэлбэрээр зохион байгуулагдах “BARILGA EXPO 2020” олон улсын барилгын цахим үзэсгэлэн яармагт оролцохыг урьж байна.
Ерөнхий зохион байгуулагч: Барилга МН
Хамтран зохион байгуулагч: БХБЯ, БХТ, НЗДТГ, МБНХ, МАЭ, МБҮА, МБИХ, МБМҮХ, МБГБХ, МБЗТЗХ
Ивээн тэтгэгч: “Юмэко” ХХК
Оролцогчоор бүртгүүлэх линк: https://bit.ly/2xIxBta
“BARILGA EXPO 2020” олон улсын барилгын цахим үзэсгэлэнгийн зохион байгуулах хороо