Уншиж байна ...
Зураг
Зураг
ХУУЧИРСАН МЭДЭЭ: 2020/05/17-НД НИЙТЛЭГДСЭН

ХӨСҮТ-д эмчлэгдэж байгаа 5 хүүхдийн биеийн байдал дунд зэрэг байна гэв

Д.Янжиндулам, ikon.mn
2020 оны 5 сарын 17
iKon.MN
Зураг зураг
ХӨСҮТ /Гэрэл зургийг mpa.mn/

Эрүүл мэндийн яамны хэвлэлийн хурлын дараа ЭМЯ-ны хэлтсийн дарга Д.Нарангэрэл, ХӨСҮТ-ийн ерөнхий захирал Д.Нямхүү нар сэтгүүлчдийн асуултад хариуллаа.

-ХӨСҮТ-д эмчлэгдэж байгаа хүмүүсийн биеийн байдал ямар байгаа вэ?

Д.Нямхүү: - COVID-19-өөр өвчилсөн хүмүүстээ өчигдөр бид нарийн шинжилгээ давтан хийж, эмч нарын зөвлөгөөнөөр үнэлгээ хийсэн. Ингээд 23 хүний биеийн байдал нь хүндэвтэр, 92 хүний биеийн байдал дунд зэрэг байна гэж дүгнэсэн.

Мөн ХӨСҮТ-д 8-16 насны таван хүүхэд эмчлэгдэж байгаа бөгөөд тэдгээр хүүхдүүдийн биеийн байдал дунд зэрэг байгаа юм.

түүнчлэн өвчилсөн хүмүүс дунд хоёр жирэмсэн эмэгтэй болон хорт хавдартай, өндөр настай ч хүн бий.

Бид биеийн байдал нь хүнд байгаа хүмүүстээ онцгой анхаарч ажиллаж байна.

-Халдвар илэрсэн хүмүүсээ ажиглах байрнаас ХӨСҮТ-д авчирсан болов уу?

Д.Нямхүү: -Өчигдөр бид лабораториор илрүүлсэн тохиолдлуудыг бид шуурхай ХӨСҮТ-д татан авчирч байрлуулсан. ХӨСҮТ нийт 250 хүн хүлээж авах төлөвлөгөөтэй байгаа.

Ажиглалтад буй хүмүүсээс 89 хүнийг дамжуулан гаргана.

-Шведэд халдвар авсан манай иргэний биеийн байдал дээрдсэн үү ?

Д.Нарангэрэл: - Шведэд байгаа манай иргэний хувьд биеийн байдал нь маш хүнд байгаа бөгөөд уушгиных нь 80 хувь нь ажиллагаа муу байгаа гэсэн мэдээлэл байна.

ВИДЕО:

https://www.facebook.com/www.mohs.mn/videos/236409061014702/?v=236409061014702

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.