Мэдээлэл технологийн дэвшил хүчээ аван, хурдтайгаар хөгжсөн сүүлийн арван жилд бизнесийн байгууллагуудыг энэ шинэ эринд хэрхэн дасан зохицож, өөрчлөгдөн хувьсаж, өргөжин тэлж буйг тодорхойлсон өсөлтийн менежментийн систем давхар бий болон хөгжиж иржээ. Өнгөрсөн жилээс эхлэн Монгол улсад зохион байгуулагдах болсон Growth Summit үйл ажиллагааны зорилго нь бизнес эрхлэгчдэд тэр мэдлэг, арга барилаас хуваалцаж хамтдаа өсөн дэвжих боломжийг санал болгоход чиглэдэг. Улс төр, эдийн засгийн тухай яригдсаар байдаг хэвшмэл, ерөнхий зүйлсээс илүүтэй олон улсын жишиг менежментийн арга барил, бодит жишээнүүдийг хуваалцахад төвлөрдөг уг чуулган энэ жил дэлхий дахинд нүүрлээд буй аюулт тахлын онцгой нөхцөл байдалтай уялдуулан “Beyond Covid-19: Virtual Growth Summit” нэртэйгээр, виртуал хэлбэрээр энэ сард зохион байгуулагдах гэж байна.
Чуулганы үндсэн хөтөлбөр нийт дөрвөн өдөр үргэлжлэхээс эхний гурван өдөр гаднын илтгэгчид илтгэлээ тавьж, нэтворкинг үүсгэх бол, сүүлийн нэг өдөр Монголын илтгэгчид илтгэл тавихаар төлөвлөгджээ. Зохион байгуулалтын багийнхны зүгээс зөвхөн дөрвөн өдөр хангалтгүй санагдсан тул цахим чуулган эхлэхээс өмнө Whova аппликейшн дээр чуулганаа нээлттэй зарлаж, түрүүлж бүртгүүлсэн оролцогчдодоо урьдчилсан арга хэмжээнүүдэд оролцох боломжийг олгох аж.
Байгууллагын үүсгэн байгуулагчид, гүйцэтгэх захирлууд, хөрөнгө оруулагчид, манлайлагчид, бүх салбарын удирдлагуудыг нэгэн дор цуглуулж чаддаг олон улсын хэмжээний уг чуулган өнгөрсөн жилээс эхлэн манай улсад зохион байгуулагдах болсон билээ. Зохион байгуулагдсан эхний жилдээ л 600-700 салбарын манлайлагчид, удирдах ажилтнуудыг цуглуулж, бизнесээ өргөжүүлэх, дараагийн түвшинд гаргах тухай гаднын улс орнуудын туршлага, чиг хандлагын тухай мэдлэг, мэдлэгийг түгээж чадсан уг чуулган энэ жил үүсээд буй нөхцөл байдалтай холбоотойгоор "Beyond COVID-19" Virtual Growth Summit нэртэйгээр, виртуал орчинд явагдах юм.
Дэлхийн жишиг менежментийн арга барил болон бодит жишээнүүдээс суралцана. Ижил сорилт/боломжтой нүүр тулсан удирдлагуудтай үр өгөөжтэй цахим нетворкинг хийж мэдлэг туршлагаа хуваалцах, цаашдаа ч холбоотой байж хамтдаа мэдлэг туршлагаа хуваалцах, хамтдаа өсөж дэвших боломж олдоно.
Байгууллагын үүсгэн байгуулагчид, гүйцэтгэх захирлууд, хөрөнгө оруулагчид, манлайлагчид, бүх салбарын удирдлагууд
Хэзээ: 2020 оны 5-р сарын 19-22
Хаана: Цахим ертөнцөд (Бүртгүүлсний дараа линк болон дэлгэрэнгүй мэдээллийг хуваалцана)
Хураамж: нэг хүний 200,000₮, 5 хүн 800,000₮, 25 хүн 3,000,000₮; Тасалбарыг Shoppy.mn-ээр орж захиална уу https://shoppy.mn/products/growth-summit2020
(Хураамжид чуулганд оролцох бүрэн эрх, цахим нетворкинг хийх бүрэн эрх, бүх илтгэлийг дахин үзэх 3 сарын эрх, спонсор ба түншүүдийн онцгой бэлэг урамшуулал зэрэг багтана).
Энэхүү арга хэмжээний давуу талыг бүрэн ашиглах, багийн хувьд нэгэн ойлголттой байх мөн түүнчлэн сурсан зүйлээ илүү үр дүнтэй хэрэгжүүлэхийн тулд удирдлагын багаараа арга хэмжээнд оролцохыг бид зөвлөж байна.
2020 онд таны байгууллага энэхүү хүнд цаг үеийг амжилттай даван туулж, эдийн засаг буцаад сэргэхэд өсөлтөд бэлэн байх ивээлийг өргөн дэвшүүлье!
Та дэлгэрэнгүй мэдээлэлийг манай вэб хуудаснаас авна уу https://growthsummit.global
"Growth Summit Global" хамт олон