ФОТО: Өнөөдөр С.Зориг агсны мэндэлсэн өдөр

Гэрэл зургийг mpa.mn

Монголын Ардчилсан хөдөлгөөний удирдагчдын нэг агсан Санжаасүрэнгийн Зориг 1962 оны 4 дүгээр сарын 20-ны өдөр төрсөн. Тэрээр амьд байсан бол өнөөдөр 58 нас хүрч байна.

АН-ын удирдлагууд, УИХ-ын гишүүд, Ардчилсан хувьсгалын зүтгэлтнүүд өнөөдөр С.Зориг агсны хөшөөнд цэцэг өргөж, хүндэтгэл үзүүллээ.

Тэрээр 1989-1990 онд МоАХ-ны Ерөнхий зохицуулагч, 1990-1992 онд Монголын Парламентын бүлгэмийн дарга, 1992-1996 онд УИХ-ын гишүүн 1996-1998 онд УИХ-ын Төрийн байгуулалтын БХ-ны дарга, Аюулгүй байдал, гадаад бодлогын БХ-ны дарга, Дэд бүтцийн сайдын албыг хашиж байсан нэртэй улс төрч байсан юм.

Түүний амийг хөнөөсөн хэрэгтнүүдийг 18 жилийн дараа илрүүлж, шийдвэрлэсэн ч захиалагч нь тодорхойгүй байгаа билээ.

Фото сурвалжилга