• 4 сарын 23, Мягмар
|
|
Уншиж байна ...
ХУУЧИРСАН МЭДЭЭ: 2020/04/14-НД НИЙТЛЭГДСЭН

Монгол Улс болон АНУ-ын олон талт хамтын ажиллагааны зарим асуудлаар санал солилцлоо

ikon.mn
2020 оны 4 сарын 14
iKon.MN
Зураг зураг
00:00 00:00
Монгол Улс болон АНУ-ын олон талт хамтын ажиллагааны зарим асуудлаар санал солилцлоо
Sara, ikon.mn - text to speech

Гадаад харилцааны сайд Д.Цогтбаатар АНУ-аас Монгол Улсад суугаа Элчин сайд Майкл Клеческиг 2020 оны дөрөвдүгээр сарын 13-ны өдөр хүлээн авч уулзав.

Уулзалтын үеэр дэлхий нийтийг хамарсан COVID-19-ийн тархалтын эсрэг тус тусын Засгийн газраас авч хэрэгжүүлж байгаа арга хэмжээний талаар мэдээлэл солилцож, энэ хүнд цаг үед  АНУ-аас Монгол Улсад тусламж дэмжлэг үзүүлсэнд сайд Д.Цогтбаатар талархал илэрхийлэв.

 Элчин сайд Майкл Клечески COVID-19-ийн тархалтаас урьдчилан сэргийлэх, тогтоон барих чиглэлээр Монгол Улсын Засгийн газраас шуурхай, тууштай арга хэмжээ авч байгааг сайшаан тэмдэглэж, Монгол Улсад ажиллаж, амьдарч буй АНУ-ын иргэдийн аюулгүй байдлыг хангахад дэмжлэг үзүүлж байгаад талархал илэрхийлэв.

Сайд Д.Цогтбаатар, элчин сайд Майкл Клечески нар Монгол Улс, АНУ-ын хоёр тал болон олон талт хамтын ажиллагааны зарим асуудлаар мөн санал солилцов.

 

Эх сурвалж: Гадаад Харилцааны Яам