Хивсний тэмдэглэгээг уншиж сурцгаая

Гэрийг “гэр” шиг болгодог зүйл тухтай буйдан, дулаахан хивс гэдэгтэй хэн ч маргахгүй бизээ. 

Та өөрийнхөө хэрэгцээнд тохирсон хивс сонгох, түүнийгээ цоо шинэ мэт байлгахын тулд дараах тэмдэглэгээг уншиж сурах шаардлагатай.

Хамгийн түрүүнд хивснийхээ зүүн доод булангийн ард наасан шошгыг хараарай. Таны хивсний талаарх бүх мэдээллийг агуулна. 

Үсний өндөр, үслэг утасны хольц, 1 мкв-д багтах  утасны гогцоо, хэмжээнээсээ шалтгаалж брэнд бүр нь өөрийн гэсэн онцлогтой мөн жинтэй байна. Үүнийгээ шошго болгон дээр дэлгэрэнгүй бичсэн байдаг.

 

*Хамгийн томоор бичсэн үг нь тухайн хивс ямар брэндийнх болохыг илэрхийлнэ. 

*Size хэсэгт хивсний хэмжээг тэмдэглэсэн байна.

*Weight-д хивсний жинг илэрхийлнэ.

*Points гэдэг дээр тэмдэглэсэн тоогоор 1 мкв-д агуулагдах утасны гогцооны тоог мэдэж болно. 

*Мөн та стандартчиллын олон улсын байгууллагын ISO 9001:2015 чанарын удирдлагын тогтолцоогоор баталгаажсан тэмдэгтийг харж болно.  

 

*Шошгоны баруун доод булангаас аюулгүй ашиглалтын зааварчилгаа болон тухайн үйлдвэрийн хаяг, цахим шуудан холбогдох дугаарыг бичсэн байна. 

Эдгээр мэдээлэл байхад та хивсний шошгийг уншиж, өөрийн хэрэглээнд тохирсон хивсийг төвөггүй сонгох боломжтой. 

Сонирхуулахад, “Эрдэнэт хивс” компани нь урын сандаа 3000 орчим загвартай бөгөөд дотоодын хивс хивсэн бүтээгдэхүүний хэрэгцээний 95 хувийг дангаараа хангадаг аж. 

Түүгээр ч барахгүй нийт борлуулалтынхаа 20 орчим хувийг Япон, Герман, Хятад, Австрали Испани, Иордани, Катар, Казахстан, ОХУ Австрали, Швед зэрэг гадаадын 20 гаруй улсад экспортолж, хэдийнэ дэлхийн зах зээлд хөлд тавьжээ.