Хувийн хэвшлийн хөрөнгө оруулалтаар нийтийн тээврийн парк шинэчлэл, сургуулийн автобус зэрэг төслийг хэрэгжүүлнэ

Нийслэлийн ИТХ-ын дарга Р.Дагва “Улаанбаатар хотын хөгжлийн корпорац ХК”-д ажиллаж, хэрэгжүүлж буй төсөл болоод цаашид хэрэгжүүлэх төслүүдтэй танилцсан юм.

“Улаанбаатар хотын хөгжлийн корпорац ХК”-ийн гүйцэтгэх захирал С.Билэгсайханы танилцуулсанаар 2020 онд нийт 23 төсөл хэрэгжүүлэхээр төлөвлөжээ.

Үүнээс нэн тэргүүнд нийслэлчүүдийн өмнө тулгамдаж буй нийтийн тээврийн үйлчилгээг сайжруулах  цогц төсөл хэрэгжүүлэхээр ажиллаж байгаа аж. Энэхүү цогц төслийн хүрээнд нийтийн тээврийн парк шинэчлэл хийх төсөл, такси үйлчилгээг сайжруулах “Улаанбаатар такси- КАБ” төсөл, Авто зогсоолын төсөл, Сургуулийн автобус зэрэг төслийг хэрэгжүүлэх юм. Эдгээр төслүүдийг хувийн хэвшлийн хөрөнгө оруулалтаар хийнэ гэдгийг уулзалтын үеэр онцолж байлаа.  
 

Эх сурвалж: Нийслэлийн ИТХ-ын ХМОНХТ