ХУУЧИРСАН МЭДЭЭ: 2020/04/09-НД НИЙТЛЭГДСЭН
ЖДҮХС-ийн хөрөнгийг нэмэгдүүлэхээр боллоо
iKon.MN
УИХ-ын чуулганы үдээс хойших хуралдаан үргэлжилж байна.
/2020.04.09/
Шууд үзэх:
https://www.facebook.com/iKonNews/videos/532638277670380/
Цар тахлын үед авч хэрэгжүүлэх Засгийн газрын цогц арга хэмжээний талаар УИХ-аар хэлэлцэж байгаа билээ.
Тэгвэл үдээс өмнөх хуралдаанд гарсан дараах агуулга бүхий дэд заалт нэмэх саналыг Төсвийн байнгын хороогоор дэмжжээ. Тодруулбал,
- Дэлхийн улс орнуудад хэрэгжүүлж байгаа сайн туршлагыг нэвтрүүлж, төр, хувийн хэвшлийн байгууллагуудын албан хаагчдыг цахимаар ажиллах нөхцөлийг хангах
- Боловсролын алсын зайн сургалтын үйлчилгээ үзүүлэх
- Хүнсний аюулгүй байдлыг хангах хяналт бүхий цахим худалдааг дэмжих
- Импортын бүтээгдэхүүнүүдийг орлох, дотоодод үйлдвэрлэдэг хүнсний бүтээгдэхүүнүүдийн үйлдвэрлэлийг нэмэгдүүлэх, хангамжийг сайжруулах зорилгоор үндэсний үйлдвэрлэгчдээ дэмжих арга хэмжээнд шаардлагатай үнэ, тарифын хөнгөлөлтийг үзүүлэх,
- ЖДҮХС-ийн хөрөнгийг нэмэгдүүлэх зэрэг цогц арга хэмжээ авч хэрэгжүүлэх гэсэн санал батав.
Уг саналыг УИХ-аар хэлэлцэж, гишүүдийн 69.3 хувийн саналаар уг хуулийн төсөл батлагдаж байна.
Улмаар Эдийн засгийг идэвхжүүлэх багц арга хэмжээний тухай УИХ-ын тогтоолын төслийг УИХ-ын гишүүдийн олонхын саналаар бүхэлд нь баталлаа.
Коронавирусийн халдварт цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээний талаарх УИХ-ын тогтоолын төслөөс гадна
- ААНОАТ-өөс хөнгөлөх, чөлөөлөх тухай
- Татварын алданги, торгуулиас чөлөөлөх тухай
- ХХОАТ-аас чөлөөлөх тухай
- Гаалийн албан татвараас чөлөөлөх тухай
- НӨАТ-аас чөлөөлөх тухай
- НДШ-ээс чөлөөлөх
- Ажилгүйдлийн даатгалын сангаас дэмжлэг үзүүлэх тухай
- Нийгмийн даатгалын шимтгэл төлөгчийг торгох шийтгэл, алдангиас чөлөөлөх тухай
- Олон улсын гэрээний тухай хуульд нэмэлт, өөрчлөлт оруулах тухай хуулийн төслүүдийн эцсийн хэлэлцүүлгийг хийж, олонхын саналаар баталлаа.
