2020/05/30
Америк доллар
МОНГОЛ БАНК:
2,805.97₮
B30
УЛААНБААТАР
11°
|
B30
УЛААНБААТАР
19°
|
B30
УЛААНБААТАР
18°
|
19:00
S30
10°
20:00
S30
21:00
S29
22:00
S29
23:00
S29
00:00
S29
01:00
S29
02:00
S29
03:00
S31
04:00
S31
05:00
S31
06:00
S32

"Нэр дэвшихээр горилогчдоос ₮100 саяыг хурааж эхэлсэн бол нэрс, дансыг нь ил болгохыг С.Эрдэнээс шаардаж байна"

ikon.mn
2020 оны 4 сарын 7
iKon.MN
Зураг
Гэрэл зургийг mpa.mn

“Hera Holding” компаниас цаг үеийн асуудлаар мэдээлэл хийнэ.

ШУУД ҮЗЭХ:

https://www.facebook.com/iKonNews/videos/857575084763533/

“Hera” группийн ерөнхий захирал Хассуурийн Ганхуягт АН-ын хэсэг залуусаас захидал ирсэн талаар мэдээлэл хийлээ. Уг захидалд С.Эрдэнэ АН-ын даргаар ажилласнаас хойш ардчиллын үнэт зүйл алдагдаж байгаа бөгөөд түүний буруутай үйл ажиллагааг бичсэнийг тэрбээр уншиж танилцуулав. 

Захидал бүрэн эхээрээ:

 
 

Захидалд дурдсанчлан сонгууль угтан нэр дэвшихээр горилогчдоос дэнчин хэмээн 100 сая төгрөг хурааж байгаа нь Үндсэн хуулиар олгогдсон сонгох, сонгогдох эрхийг зөрчиж байгаагаас гадна Сонгуулийн тухай хууль, Улс төрийн намын тухай хууль, Эрүүгийн хуулиудын тодорхой заалтуудыг зөрчиж байна гэж үзжээ. 

Мөн үүнийг 60 тэрбумын хэргээс ялгаагүй төрийн эрхийг хууль бусаар авах, улстөрчдөөр дамжуулан бизнесийнхний эрх ашгийг хангуулах схем гэж харж байгаа тул үнэхээр сонгуульд нэр дэвшихээр горилогчдоос 100 сая төгрөг авч эхэлсэн бол нэрсийн жагсаалт, дансаа 24 цагийн дотор ил болгохыг шаардаж байгаагаа мэдэгдлээ. 

Тэрбээр сэтгүүлчдийн асуултад мөн хариулт өглөө. 

-Та аль намын гишүүн бэ. Сонгуульд нэр дэвших үү?

-МАН-ын бага хурлын гишүүн. 2016 онд бие даан нэр дэвшиж байсан. Ингэхдээ МАНАН дэглэмийг эсэргүүцэж байв. Одоо МАН-аас нэр дэвшинэ. 

-Олон улсын практикт нэр дэвшигчдээс хандив авдаг шүү дээ.

-Олон улсын практикт хандивын мөнгө авдаг. Гэхдээ данс нь нээлттэй байдаг. Хэн, ямар зорилгоор тушаасан нь ил байх ёстой. Түүнээс гадна хандивын мөнгө цуглуулах хугацаа болоогүй, нэр дэвшигчид тодорхой болоогүй байгаа. Хуулиараа сонгуулийн санал хурахаас 45 хонгийн өмнө тодорхой болох ёстой. Гэтэл наана нь ингэж мөнгө аваад зогсохгүй дахиад 300-400 сая төгрөг нэхээд байна гэж байна. 180 хүн 100 сая төгрөг тушаахад 18 тэрбум төгрөг. АН яллаа гэхэд сайдын суудал ямар үнэтэй байх юм. 100 сая төгрөг бага мөнгө биш. Ийм мөнгө төлсөн хүмүүс мөнгөө буцааж олж авах гэж л ажиллана.

-Та МАН-ын Бага хурлын гишүүн байхад яагаад АН-ын гишүүд танд захидал бичсэн юм бэ. Та бусдын нэрийг бариад байгаа юм биш үү?

-Би 2016 оны сонгуульд З.Энхболдтой өрсөлдсөн. 2017 онд С.Эрдэнийг амалж авсан. Тийм болохоор надад бичсэн байх.

-Тэгээд та ямар зорилгоор мэдээлэл хийж байгаа юм бэ?

-Шалгуулъя гэж бодож байгаа. Энэ бол бага мөнгө биш. Ямар эх үүсвэрээс олсон юм, хэн нэгнээс зээлсэн юм уу гэдгийг шалгуулна. Яагаад гэвэл нэрсийн жагсаалтыг харахад Ц.Элбэгдоржтой холбоотой 20-30, З.Энхболдтой холбоотой 20-30, С.Эрдэнэтэй холбоотой мөн 20-30 хүний нэрс харагдаж байна. Хууль хяналтынхан, банк санхүүгийнхний нэрс явж байна. 

100 хүн нэмж 400 сая өгөхөд 40 тэрбум буюу нийт 58 тэрбум төгрөг цугларах нь. Энэ бол улс төрийн албан тушаалыг ил тод зарж байгаа хэрэг. 

-Хаана шалгуулах вэ?

-Хүний эрхийн үндэсний комисст гомдол гаргана. Төрийн эрхийг хууль бусаар авах гэсэн оролдлого гэж үзэж байгаа тул тагнуулын байгууллагад хандана. 

АТГ-т хандаж дансыг ил болгуулах, орж ирсэн орлого нь хууль ёсны эсэхийг шалгуулна. 

АН-ын дарга С.Эрдэнэ дэнчин, хандив, татвараа урьдчилж авч байгаа гэж тайлбарласан. Яг аль нь вэ гэдгийг тодруулна. 

-Сонгуульд горилж байгаа хүн Сонгуулийн тухай хуулиар данс нээж, хандив өгөх боломжтой юу?

-Энэ талаар Сонгуулийн тухай хуульд  маш нарийн заасан. Сонгууль болохоос 45 хоногийн өмнө нэр дэвшигчдийг тодруулаад хандивын дансаа нээх ёстой. 

Хувь хүн 5 сая, ААН 20 сая төгрөг хандивлах боломжтой. 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x