2020/06/02
Америк доллар
МОНГОЛ БАНК:
2,805.97₮
B30
УЛААНБААТАР
13°
|
B30
УЛААНБААТАР
17°
|
B30
УЛААНБААТАР
17°
|
07:00
S30
08:00
S30
09:00
S30
10:00
S30
11:00
S30
12:00
S30
13:00
S30
10°
14:00
S30
11°
15:00
S30
11°
16:00
S30
12°
17:00
S30
12°
18:00
S30
12°

“Эрдэнэс Монгол” нэгдлийн уурхайчин, албан хаагчид нэг өдрийн цалингаа хандивлалаа

ikon.mn
2020 оны 4 сарын 6
iKon.MN
Зураг

Дэлхий нийтэд тархаад буй шинэ төрлийн коронавирус (Covid-19)-ээс урьдчилан сэргийлэх ажлын хүрээнд Монгол Улсын Засгийн газраас авч хэрэгжүүлж буй арга хэмжээг уул уурхай, эрдэс баялгийн салбар дэмжиж, хандивын аян өрнүүлсэн. Энэхүү хандивын аянд “Эрдэнэс Монгол” нэгдлийн охин болон хараат компаниуд нэгдэж, нийт ажилтан, албан хаагч, уурхайчид нэг өдрийн цалингаа хандивласныг Монгол Улсын Шадар сайд Ө.Энхтүвшин, Онцгой байдлын ерөнхий газрын тэргүүн дэд дарга, Бригадын генерал Г.Ариунбуян нарт хүлээлгэн өглөө.

“Эрдэнэс Монгол” ХХК-ийн Гүйцэтгэх захирал П.Ганхүү “Нэгдлийн 13 охин компанийн нийт 2,050 уурхайчин өөрсдөө санаачилж, энэхүү аянд нэгдэн, нэг өдрийн цалингаа хандивласан нь 134 сая 980 гаруй мянган төгрөг болсон. Тухайлбал, Багануурын 1,200, Шивээ–Овоогийн 650 уурхайчнаас гадна Оюутолгой ХХК, Эрдэнэс Оюутолгой, Эрдэнэс силвер ресурс, Эрдэнэс метан, Эрдэнэс алт ресурс, Эрдэнэс стийл, Гашуунсухайт авто зам, Газрын ховор элемент төслийн нэгж, Эрдэнэс Ассет менежмент зэрэг охин, хараат компанийн ажилтнууд бүгд идэвхтэй оролцож, нэг өдрийнхөө цалинг хандивлалаа. Энэхүү сэтгэлийн хандив Улсын онцгой комиссын үйл ажиллагаанд бага ч болов нэмэр болоосой хэмээн хүсч, мөн уурхайчдын зүгээс Улсын Онцгой комиссын бүрэлдэхүүнд талархаж буйгаа илэрхийлснийг уламжилъя” гэв.

 
 

Түүнчлэн “Оюу Толгой” төслийн гүний уурхайн нэвтрэлтийн ажлыг гүйцэтгэгч “Даян Контракт Майнинг” ХХК болон туслан гүйцэтгэгч “Рэдпаф Монгол” ХХК, “Хасу Мегаватт” ХХК-ийн 1,300 уурхайчин залуус ээлжийн цалингаа хандивласан нь 100 сая төгрөг болжээ. Дээрх компаниуд уул уурхайн салбарт 10 гаруй жил үйл ажиллагаа явуулж байгаа юм.

Манай улсын экспортын бүтээгдэхүүний 80 гаруй хувийг бүрдүүлдэг уул уурхайн салбарынхан аюулт өвчнөөс урьдчилан сэргийлэх ажилд халуун гараа сунгаж буйд Монгол Улсын Шадар сайд Ө.Энхтүвшин чин сэтгэлийн талархал илэрхийлж, олон түмний сэтгэлийн хандив аюулт өвчинтэй тэмцэхэд ихээхэн хувь нэмэр болж буйг тодотгов.

 


Эх сурвалж: “Эрдэнэс Монгол” ХХК




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
x