2020/06/04
Америк доллар
МОНГОЛ БАНК:
2,807.59₮
B30
УЛААНБААТАР
23°
|
B30
УЛААНБААТАР
26°
|
11°
B30
УЛААНБААТАР
27°
|
14°
22:00
S26
15°
23:00
S26
13°
00:00
S26
12°
01:00
S26
11°
02:00
S26
10°
03:00
S29
04:00
S29
05:00
S31
06:00
S32
07:00
S30
10°
08:00
S30
13°
09:00
S30
15°
Энэ мэдээ хуучирсан буюу 2020/04/02 -нд нийтлэгдсэн мэдээ болно.

Өмнөд Солонгос улс коронавирусийн халдвартай иргэдэд зайнаас сонгуульд оролцох боломж олгоно

Э.Сэмүүн, ikon.mn
2020 оны 4 сарын 2
iKon.MN
Зураг

Өмнөд Солонгосын парламентын сонгуулийн санал хураалт дөрөвдүгээр сарын 15-ны өдөр зохион байгуулагдах гэж байна.

Энэ өдөр солонгосчууд ирэх дөрвөн жилийн хугацаанд хууль тогтоох 300 хүнийг сонгох юм. Сонгуулийн ажиллагаа коронавирусийн тахлын үед зохион байгуулагдаж байгаагаараа онцлог.

Covid-19 өвчний халдвартай нийт 4,000 орчим хүн сонгуульд шуудангаар саналаа өгөх боломжтойг Өмнөд Солонгосын дотоод хэргийн сайд Чин Юн өнөөдөр мэдээлжээ.

Мөн халдвартай нь тогтоогдоогүй ч олон нийтээс тусгаарлагдаад байгаа хүмүүсийн санал өгөх эрхийг хэрхэн хэрэгжүүлэх аргуудыг засгийн газар судалж байгааг тэр мэдэгдсэн юм.

Тус улсын Үндэсний Сонгуулийн Хороо бүх сонгогчдод амны хаалттай санал хураах байранд ирэх шаардлага тавьжээ. Санал хураах байруудад гар ариутгагч, бээлий зэргийг байрлуулж, дугаарлах хүмүүсийн хооронд тодорхой зай тогтоохоор төлөвлөсөн байна.

Мөн сонгогчдыг санал хураах байранд ирэх үед биеийн халууныг нь хэмжиж, халдвараас сэргийлэх арга хэмжээ авах гэнэ.

Өнөөдрөөс эхэлж байгаа сонгуулийн сурталчилгааны хугацаанд нэр дэвшигчид байнга амны хаалт зүүж, хүмүүстэй гар барихгүй, олон хүн цуглуулсан арга хэмжээ зохион байгуулахгүй байх үүрэг хүлээжээ.

Сүүлийн 24 цагийн хугацаанд Өмнөд Солонгост коронавирусийн халдварын 89 шинэ тохиолдол бүртгэгдэж, нийт тоог 9,976 хүргэсэн байна.

Тэдгээрээс 5,828 нь бүрэн эдгэрч, 4,148 нь одоо эмчлүүлж байгаа юм.

 

Эх сурвалж: Reuters

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x