2020/06/01
Америк доллар
МОНГОЛ БАНК:
2,805.97₮
B30
УЛААНБААТАР
20°
|
B30
УЛААНБААТАР
13°
|
B30
УЛААНБААТАР
17°
|
17:00
S26
19°
18:00
S26
19°
19:00
S26
18°
20:00
S26
17°
21:00
S26
15°
22:00
S26
13°
23:00
S26
12°
00:00
S26
11°
01:00
S26
11°
02:00
S24
10°
03:00
S26
04:00
S26
Энэ мэдээ хуучирсан буюу 2020/03/30 -нд нийтлэгдсэн мэдээ болно.

Харри, Меган нарын хамгаалалтын зардлыг АНУ хариуцахгүйг Дональд Трамп мэдэгдэв

Э.Сэмүүн, ikon.mn
2020 оны 3 сарын 30
iKon.MN
Зураг

Их Британийн язгууртны хэргэм зэргээсээ сайн дураар татгалзан бие дааж амьдрах шийдвэрийг ханхүү Харри, түүний гэргий Меган Мэркл нар өнгөрсөн оны сүүлээр гаргасан билээ.

Тэд Канадад амьдрах төлөвлөгөөтэй байгаагаа зарлаж байсан бол саяхан АНУ-ын Лос Анжелес хотод нүүж ирсэн гэх мэдээлэл тараад байна.

АНУ-ын ерөнхийлөгч Дональд Трамп өчигдөр буюу Ням гарагт экс язгууртнуудын хамгаалалт, аюулгүй байдлыг тус улс хариуцахгүй гэдгийг твиттер хуудсандаа мэдэгджээ.

“Би бол Хатан хаан болон Нэгдсэн Вант Улсыг хүндлэн дээдлэгч, сайн найз нөхөр нь билээ. Британиас явсан Харри, Меган нар Канадад суурьших тухай мэдээлж байсан. Харин одоо тэд Канадаас явж, АНУ-д ирсэн сурагтай байна. АНУ тэдний хамгаалалт, аюулгүй байдалд зориулж мөнгө зарцуулахгүй. Тэд өөрсдөө төлөх ёстой!” гэж Трамп бичсэн байна.

Харри, Меган нар АНУ-ын засаг захиргаанаас хамгаалалт хүсэх гэж байгаа тухай Британийн “Daily Mail” сонинд өнгөрсөн долоо хоногт мэдээлж байв. Гэхдээ хос хоёр энэ талаар албан ёсны мэдэгдэл хийгээгүй байна.

Өнгөрсөн долоо хоногт бас Дисней компани өөрийнх нь шинэ баримтат кино “Elephant”-ийн тайлбарыг Меган Мэркл унших болсныг зарласан юм. Язгууртны хэргэм зэргээсээ татгалзсанаас хойш тэр анхны ажлаа олсон нь энэ байв.

Дональд Трамп өмнө нь Харри, Меган нарын шийдвэрт харамсаж байгаагаа илэрхийлж байсан түүхтэй. Тэрээр “Би Хатан хааныг гүнээ хүндэлдэг. Түүнд ийм зүйл тохиолдох ёсгүй байсан юм” гэж хэлсэн байдаг.

 

Эх сурвалж: DPA

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x