2020/05/31
Америк доллар
МОНГОЛ БАНК:
2,805.97₮
B30
УЛААНБААТАР
19°
|
B30
УЛААНБААТАР
18°
|
B30
УЛААНБААТАР
12°
|
03:00
S31
04:00
S31
05:00
S29
06:00
S30
07:00
S30
08:00
S30
09:00
S30
10:00
S30
10°
11:00
S30
12°
12:00
S30
14°
13:00
S30
15°
14:00
S30
17°
Энэ мэдээ хуучирсан буюу 2020/03/28 -нд нийтлэгдсэн мэдээ болно.

Цай Вэньруй: Та бүхнийг өвчинтэй тэмцэхэд цаашид ч туслах болно

ikon.mn
2020 оны 3 сарын 28
iKon.MN
Зураг

БНХАУ-ын Засгийн газраас Монгол Улсын Засгийн газарт коронавируст халдвартай тэмцэхэд зориулж 320 сая төгрөгийн үнэ бүхий тусламж үзүүллээ.

Тусламжийг БНХАУ-аас Монгол Улсад суугаа Элчин сайд Цай Вэньруй тэргүүтэй төлөөлөгчид Монгол Улсын Шадар сайд Ө.Энхтүвшин, Эрүүл мэндийн сайд Д.Сарангэрэл болон холбогдох албаныханд хүлээлгэн өгөх ёслолын ажиллагаа өнөөдөр/2020.03.28/ боллоо.

Тодруулбал коронавируст халдвараас урьдчилан сэргийлэх, ард иргэдийг хамгаалах зорилгоор шаардлагатай эд зүйлс, материал болох халдварын оношлуур 5,000 ширхэг, эмнэлгийн болон мэс заслын зориулалттай амны хаалт тус бүр 5,000, хамгаалалтын хувцас 1,000 ширхэг нийт 320 сая төгрөгийн үнэ бүхий зүйлсийн тусламж үзүүлж байна.

Монгол Улсын Шадар сайд Ө.Энхтүвшин Монгол Улсын Засгийн газар, Улсын Онцгой комиссын нэрийн өмнөөс чин сэтгэлийн талархал илэрхийллээ. Тэрээр “БНХАУ-тай хуурай газраар хамгийн урт хиллэдэг хөрш оронд маань коронавируст халдварын тархалт ихээр газар авч байсанд Монгол хүн бүрийн сэтгэл түгшиж байсан.

Гэсэн хэдий ч БНХАУ-ын Засгийн газрын манлайлал дор Хятадын ард түмэн уг халдварын тархалтыг хяналтандаа авч, олон мянган хүн эдгэрч, ард иргэдийн амьдрал хэвийн горимд шилжиж байгаа энэ цаг үед энэхүү тусламжийг хүлээн авч байгаа нь Монголын төр, засаг, ард иргэдэд уг халдварт цар тахлыг зогсоож чадна гэсэн итгэл үнэмшлийг төрүүлж байгааг зориуд цохон тэмдэглэхийг хүсэж байна” гэсэн юм.

Бид нэг гараар дотоодынхоо өвчинтэй тэмцэж байна. Нөгөө гараараа өвчинтэй тэмцэх олон улсын хамтын ажиллагаагаа өрнүүлж байна

Ноён Элчин сайд Цай Вэньруй "Биднийг өвчинтэй тэмцэх хүнд цаг үед Монгол Улсын төр засаг, ард түмэн бидэнтэй эв санаа нэгдэж асар их туслалцаа үзүүлсэн. Бидний өнөөдрийн амжилт та бүхний дэмжлэг туслалцаатай салшгүй холбоотой байгааг мэднэ.

Хятадын төр засаг, ард түмэн Монголын төр засаг, ард түмэнд чин сэтгэлээсээ талархаж байгаа. Монголын ард түмний энэ их ач тусыг бид мартаагүй, мартах ч учиргүй. Бид нэг гараар дотоодынхоо өвчинтэй тэмцэж байна. Нөгөө гараараа өвчинтэй тэмцэх олон улсын хамтын ажиллагаагаа өрнүүлж байна. Та бүхнийг өвчинтэй тэмцэхэд цаашид ч туслах болно" гэсэн юм.

Монгол Улсаас БНХАУ-д экспортлох эрдэс баялагийн бүтээгдэхүүний төрөл хэмжээг нэмэгдүүлэх цаг болсныг онцлов

Шадар сайд Ө.Энхтүвшин хоёр улс гамшигтай тэмцэх сорилтыг даван туулахын төлөө бүхий л хүчин чармайлтаа гарган ажиллаж байгаа энэ үед хоёр орны эдийн засаг, худалдааны эргэлтийг сэргээн эрчимжүүлэх, Засгийн газар хоорондын хамтран хэрэгжүүлж буй төслүүдийн үйл ажиллагааг таслалдуулалгүй үргэлжлүүлэх, Монгол Улсаас БНХАУ-д экспортлох эрдэс баялагийн бүтээгдэхүүний төрөл хэмжээг нэмэгдүүлэх зэрэг олон чухал ажлыг чухалчлан эдийн засгаа сэргээхийн төлөө түншлэлийн харилцаагаа улам гүнзгийрүүлэн өргөжүүлэхийн төлөө ажиллах цаг болсон гэдгийг тусламж хүлээлцэх ёслолын арга хэмжээний үеэр онцлон тэмдэглэлээ гэж Монгол Улсын Шадар сайдын Ажлын албанаас мэдээллээ.




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x