2020/05/31
Америк доллар
МОНГОЛ БАНК:
2,805.97₮
B30
УЛААНБААТАР
19°
|
B30
УЛААНБААТАР
18°
|
B30
УЛААНБААТАР
12°
|
02:00
S31
03:00
S31
04:00
S31
05:00
S29
06:00
S30
07:00
S30
08:00
S30
09:00
S30
10:00
S30
10°
11:00
S30
12°
12:00
S30
14°
13:00
S30
15°
Энэ мэдээ хуучирсан буюу 2020/03/28 -нд нийтлэгдсэн мэдээ болно.

Д.Нарангэрэл: Испани, Норвеги улсад дөрвөн эмийг клиникийн судалгаанд оруулж эхэллээ

Т.Саран, iKon.mn
2020 оны 3 сарын 28
iKon.MN
Зураг
Гэрэл зургийг mpa.mn

Эрүүл мэндийн яамны ээлжит мэдээллийн үеэр ЭМЯ-ны хэлтсийн дарга Д.Нарангэрэл дараах мэдээллийг өглөө. 

Тэрбээр:

COVID-19-ийн халдвар өнөөдрийн байдлаар дэлхийн 201 оронд бүртгэгдсэн бөгөөд АНУ, Итали, Испанид онцгой их тархалттай байна.

Өчигдөр 30 гаруй орны Эрүүл мэндийн сайд, 500 гаруй мэргэжлийн хүн оролцсон цахим хурал боллоо. ДЭМБ-ын ерөнхий захирал болон зургаан бүсийн захирал оролцсон. 

Уг хурлаар БНХАУ-ын Ухань хот, Солонгос, Япон, Сингапур орон халдвартай тэмцэх, сэргийлэх арга хэмжээ, сургамжаа хэлэлцүүлж, хуваалцсан. Эндээс харахад манай улсын авч хэрэгжүүлж байгаатай ижил арга хэжмээ авч байгаа юм байна. 

Нэг өвөрмөц зүйл нь, клиникийн хувьд хөнгөн өвчтөн бол 14 хоногоос дээш, хүнд өвчтөн 6-7 долоо хоног эмнэлэгт хэвтэн эмчлүүлж байгаа юм байна. Хамгийн гол нь эрт илрүүлэх, эрт шинжлэх, эрт тусгаарлах, эрт эмчлэх гэсэн дөрвөн зарчмыг улс орон болгон барьж байгаа юм байна. 

Түүнчлэн нууц үеийн хугацаа орон орны хувьд өвөрмөц байна. Эмнэлэгт хэвтүүлэхийн хувьд ч өөр өөр байна. Тухайлбал, ОХУ, Буриад улсад өвчилсөн хүмүүсийнхээ овог, нэрийг зарлаж, хаагуур явж ирсэн мэдээллийг нээлттэй өгч байна. Манай орны хувьд хүний эрхийг хүндэтгэж байгаа. 

Мөн Азийн орнуудад өндөр настнуудаа хамгийн түрүүнд эмнэлэгт хэвтүүлж, эмчилж байхад Европын орнууд залуу хүмүүсээ эмнэлгээр эмчилж байна. 

Гэхдээ нэг өвөрмөц зүйл нь 14 хоногийн нууц үеийн хугацааны дараа өвчтөнүүдэд шинж тэмдэг гарч байгаа тохиолдол байна. Өчигдрийн хурлаас ажиглаж байхад дэлхийн нэлээд олон оронд 14-20 хоногийн дараа өвчний шинж тэмдэг гарч байна. Тиймээс тусгаарлах хоногийг 21 хоног болгосон бидний шийдвэр зөв байгаа нь харагдсан. 

Вакцины хувьд 12-16 сарын дараа гарах боломжтой гэдгийг ДЭМБ-аас мэдээлсэн. 

"Их-20"-ын уулзалтад ДЭМБ-ын ерөнхий захирал хэлсэн үгэндээ "нийтээрээ тэмцье, нэгдье, зогсооё, тэгэхгүй бол ЭМ-ийн салбарын давагдашгүй хүчин зүйл болж, хянахад хэцүү болох нь" гэдгийг онцолсон" гэлээ. 

Мөн Испани, Норвеги улсад дөрвөн эмийг клиникийн судалгаанд оруулж эхэлж байгааг тэрбээр дуулгалаа. 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x