2020/05/30
Америк доллар
МОНГОЛ БАНК:
2,805.97₮
B30
УЛААНБААТАР
19°
|
B30
УЛААНБААТАР
18°
|
B30
УЛААНБААТАР
12°
|
02:00
S31
03:00
S31
04:00
S31
05:00
S29
06:00
S30
07:00
S30
08:00
S30
09:00
S30
10:00
S30
10°
11:00
S30
12°
12:00
S30
14°
13:00
S30
15°
Энэ мэдээ хуучирсан буюу 2020/03/28 -нд нийтлэгдсэн мэдээ болно.

НҮБ-ын зүгээс нийгэм, эдийн засгийн хүндрэлийг даван туулахад манай улсад дэмжлэг үзүүлэхэд бэлэн байгаагаа илэрхийлжээ

ikon.mn
2020 оны 3 сарын 28
iKon.MN
Зураг

Гадаад харилцааны сайд Д.Цогтбаатар НҮБ-ын Суурин зохицуулагч Тапан Мишраг 3 дугаар сарын 27-ны өдөр хүлээн авч уулзав.

НҮБ-ын Суурин зохицуулагч Тапан Мишра Монгол Улсын Засгийн газраас коронавирусийн халдвараас урьдчилан сэргийлэх чиглэлээр шуурхай арга хэмжээ авч, үр дүнтэй ажиллаж ирсэнийг сайшаан тэмдэглээд НҮБ-ын зүгээс нийгэм, эдийн засгийн хүндрэлийг даван туулахад бүх талаар дэмжлэг үзүүлж, хамтран ажиллахад бэлэн байгаагаа илэрхийлсэн байна.

Гадаад харилцааны сайд Д.Цогтбаатар НҮБ, түүний системийн болон төрөлжсөн байгууллагуудын зүгээс үзүүлж буй тусламж дэмжлэгт талархал илэрхийлээд Монгол Улсын Засгийн газраас ард иргэдийн амь нас, эрүүл мэндийг нэн тэргүүнд хамгаалах зорилтыг тавин ажиллаж байгааг мэдээлэв. Сайд Д.Цогтбаатар Засгийн газрын ээлжит бус хуралдаанаас эдийн засгийн хүндрэлийг даван туулах, аж ахуйн нэгжийг дэмжих чиглэлээр авсан арга хэмжээнүүдийн талаар дэлгэрэнгүй мэдээллээ.

Талууд Монгол Улсын Засгийн газар, НҮБ-ын системийн байгууллагууд хоорондын хамтын ажиллагааны тэргүүлэх чиглэл, хэрэгжүүлэх төсөл хөтөлбөрүүд, тэдгээрээс гарах үр дүнг тодорхойлсон “НҮБ-аас Монгол Улсад 2017-2021 онд үзүүлэх хөгжлийн тусламжийн хүрээ” баримт бичгийн хэрэгжилтийн үнэлгээ болон 2022-2026 онд хэрэгжүүлэх “НҮБ-ын Тогтвортой хөгжлийн хамтын ажиллагааны хүрээ” баримт бичгийн талаар санал солилцсон байна.

 

Эх сурвалж: ГХЯ




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x