2020/05/30
Америк доллар
МОНГОЛ БАНК:
2,805.97₮
B30
УЛААНБААТАР
19°
|
B30
УЛААНБААТАР
18°
|
B30
УЛААНБААТАР
12°
|
01:00
S31
02:00
S31
03:00
S31
04:00
S31
05:00
S29
06:00
S30
07:00
S30
08:00
S30
09:00
S30
10:00
S30
10°
11:00
S30
12°
12:00
S30
14°
Энэ мэдээ хуучирсан буюу 2020/03/28 -нд нийтлэгдсэн мэдээ болно.

Амралтын өдрүүдэд нийслэлийн гудамж талбайг халдваргүйжүүлэх ажил үргэлжилнэ

ikon.mn
2020 оны 3 сарын 28
iKon.MN
Зураг
Гэрэл зургийг mpa.mn

Нийслэлийн онцгой комиссын хуралдаанаас гарсан шийдвэрийн дагуу  Улаанбаатар хотын Захирагчийн ажлын алба, нийслэлийн Онцгой байдлын газартай хамтран Гал унтраах ангийн тусгай зориулалтын машин техникээр ариутгал халдваргүйтгэлийг энэ амралтын өдрүүдэд хийхээр болжээ.

Нийслэлийн Онцгой байдлын газраас  гаргаж буй уг тусгай зориулалтын машинуудаар Бямба гарагт 96.2км, Ням гарагт 62.6км буюу нийт 158.8 км гудамж талбайд халдваргүйтгэл хийх юм байна.

Нийслэлийн Засаг даргын А/376 дугаар захирамжаар Улаанбаатар хотын Захирагчийн ажлын албанаас зохион байгуулж буй халдваргүйтгэлийн ажлыг энэ сарын 17-ны өдрөөс эхэлж зориулалтын 7 автомашин, мэргэжлийн тусгай зөвшөөрөлтэй 14 аж ахуйн нэгж гүйцэтгэж байгаа юм.

Өнгөрсөн Лхагва гарагт гадна орчин хасах температуртай байсан тул халдваргүйтгэлийн ажлыг түр завсарласан бөгөөд өнөөдрөөс үргэлжлүүлж хуваарийн дагуу Баянзүрх дүүрэгт ажиллах аж.

Ариутгал халдваргүйтгэлийн ажлыг гүйцэтгэж байгаа 14 аж ахуйн нэгжээс гарч буй халдваргүйтгэлийн гар төхөөрөмжтэй бригадууд нь машин хүрэх боломжгүй гэр хороолол, орон сууцны хорооллын нарийн гудамж, зам, хүүхдийн тоглоомийн талбай, амралт зугаалгын тохижилттой талбай, сүүдрэвч, бохидол ихтэй булан тохой, Үерийн хамгаалалтын далан суваг зэрэг газруудад 4 дүгээр сарыг дуустал тасралтгүй хийхээр төлөвлөж байна. Ариутгал, халдваргүйтгэлийн ажил нь нийслэлийн хэмжээнд явган халдваргүйтгэлийг бүтэн 2 удаа, машин техникээр бүтэн 3 удаа тус тус хийнэ.

 

 

Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x