2020/05/25
Америк доллар
МОНГОЛ БАНК:
2,801.20₮
B30
УЛААНБААТАР
18°
|
B30
УЛААНБААТАР
21°
|
B30
УЛААНБААТАР
25°
|
09:00
S30
11°
10:00
S30
13°
11:00
S30
14°
12:00
S30
15°
13:00
S30
16°
14:00
S30
17°
15:00
S30
18°
16:00
S30
19°
17:00
S30
19°
18:00
S30
18°
19:00
S30
16°
20:00
S30
15°

Хятад улс гадаадын иргэдийг хүлээж авахаа өнөөдрөөс эхлэн зогсооно

Э.Сэмүүн, ikon.mn
2020 оны 3 сарын 27
iKon.MN
Зураг

Сүүлийн үед шинэ коронавирусийн халдварын тохиолдол бусад улс орнуудаас импортлогдох нь нэмэгдсэн тул Хятад улсын засгийн газар Баасан гарагийн шөнө дундаас эхлэн гадаадын иргэдийг хилээрээ нэвтрүүлэхгүй байхаар болжээ.

Транзит визтэй болон Хонг Конг, Макаогоор дайрч ирсэн богино хугацааны визтэй гадаадын иргэдэд зөвхөн хилээ нээх юм байна. Хилийн хоригоо хэзээ цуцлахыг тахлын нөхцөл байдлаас хамаарч тухайн үед нь шийдэхээ Хятадын гадаад хэргийн яам мэдэгджээ.

Хоёрхон сарын өмнө Хятад улс коронавирусийн тахлын хамгийн том голомт болж байсан бол өнөөдөр байдал эсрэгээрээ өөрчлөгдөөд байна.

Өнгөрсөн долоо хоногт Хятадад халдварын нийт 233 тохиолдол илэрсэн бол дэлхийн бусад улс орнуудад нийт 166,000 гаруй тохиолдол бүртгэгджээ.

Харьцуулбал хоёрдугаар сарын эхний долоо хоногт Хятадад 23,076 тохиолдол илэрч байхад дэлхийн бусад улсуудад нийт 197 тохиолдол бүртгэгдэж байв.

Гэхдээ өнөөдөр Хятадыг зорин ирж байгаа гадаадын иргэд нийт зорчигчдын бага хувийг эзэлж байгааг CCTV суваг мэдээлжээ. Тухайлбал Хятад руу ирж байгаа зорчигчдын 90 хувь нь Хятад улсын өөрийнх нь иргэд, тэдгээрийн 40 орчим хувь нь оюутнууд байгаа гэнэ.

Ням гарагаас эхлэн Хятадын иргэний нислэгийг удирдах газар шинэ хязгааарлалтын журам хэрэгжүүлэхээр болжээ.

Энэ өдрөөс эхлэн Хятадын бүх авиа компани гадаадын нэг улсаас ганцхан хотын чиглэлд нисэх ба ингэхдээ долоо хоногт ганц удаа нисэх болсон байна.

Уг нислэгийн суудал нь 75 хувиас хэтрэхгүй дүүрэлттэй байх ёстой ажээ. Гадаадын авиа компаниудад бас ийм шаардлага тавьж байна. Гадаадын авиа компани бүр долоо хоногт нэг удаа Хятадын ганцхан хотын чиглэлд нислэг үйлдэх эрхтэй. Уг нислэгийн суудал нь мөн 75 хувиас хэтрэхгүй дүүрсэн байх ёстой ажээ.

 

Эх сурвалж: South China Morning Post

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
x