ГЕГ: Өнөөдрийн 21:00 цагаас хойш Цагааннуур боомтоор зорчигч нэвтрүүлэхгүй

Цагаан нуурын боомтоор орж ирж буй иргэдийн тоо нэмэгдэж байна. Үүнийг журамлахын тулд тус боомтоор орж ирэх хөдөлгөөнийг гуравдугаар сарын 23-ны өдрийг дуустал үргэлжлүүлээд үүнээс хойш хаах шийдвэрийн Засгийн газраас гаргасан.

Тэгвэл өнөөдөр 13 монгол оюутан Цагааннуурын боомтоор орж ирэх гэж байгаа бөгөөд одоо 170 км яваад хил дээр ирнэ хэмээн Гаалийн ерөнхий газраас мэдээллээ. Тэдгээр оюутныг нэвтрүүлээд тус боомтоор зорчигч авахгүй болохыг мөн мэдэгдээд байна. Харин ачаа тээвэр хэвийн явагдах юм.

Түүнчлэн Алтанбулагийн боомтоор орж ирэх хүмүүс их байгаа тул ирэх долоо хоногийн Бямба гарагийн /гуравдугаар сарын 28-ны/ 06:00 цаг хүртэл иргэдээ хүлээж аваад, үүнээс хойш хаахаар Засгийн газраас шийдвэрлээд байна.