Монголын бизнес эрхлэгчдийн дунд явуулсан судалгаагаар компаниудын 89.5 хувь тэр дундаа 57.4 хувьд нь шинэ коронавирус маш хүндээр тусч байгааг илэрхийлсэн.
Дэлхийн бусад улс оронд ч ийм нөхцөл байдалтай байгаа учраас төв банкууд болоод засгийн газар, парламент нь эдийн засаг, бизнесийн орчноо дэмжих, ажлын байр хадгалах бодлогын шийдвэрийг эрүүл мэндийн салбартайгаа хослуулан гаргаж байна.
Өчигдөр гэхэд АНУ-ын төв банк буюу Холбооны нөөцийн банк нь бодлогын хүүгээ 0 орчим хувь болгож, 700 тэрбум доллараар эдийн засгаа тогтворжуулах бодлого явуулахаа зарласан. Мөн улс орнуудын бодлогыг харж байхад жижиг, дунд үйлдвэр эрхлэгчдийгээ түлхүү дэмжих бодлогууд барьж байна. Учир нь аливаа хямралд өртөмтгий хэсэг бол жижиг, дунд бизнес эрхлэгчид байдаг.
Тиймээс Монголын Үндэсний Худалдаа Аж үйлдвэрийн танхимаас 2020 оны төсөвт яаралтай тодотгол хийж төсвийн зардлыг хумина гэхээсээ бүтцийн өөрчлөлт хийх санал гаргаад байна.
Тухайлбал, 2020 онд нэгэнт эдийн засаг хямрах нь тодорхой байхад хамгийн түрүүнд хямралд өртөх салбарууд болоод ажлын байр хадгалах зорилготой дэмжлэгүүдэд төсвийн хөрөнгө оруулалтыг зарцуулах шаардлагатай байгаа юм. Ажлын байр хадгалах нь өрхийн эдийн засгийг шууд хамгаалах арга юм.
МҮХАҮТ-аас 2020 оны төсвөөс тэвчиж болох зардлуудыг дараах байдлаар гаргаад байна. Гэхдээ энэ нь зөвхөн эхлэл бөгөөд тэвчиж болох хөрөнгө оруулалтын болоод урсгал зардлуудын тооцоо цааш хөврөх боломжтой юм.
Монгол улсын 2020 оны улсын төсвөөс тэвчиж болох хөрөнгө оруулалтын зардал | |||||
№ | Шинээр эхлүүлэх, зайлшгүй биш хөрөнгө оруулалтууд /сая төгрөг/ | эхлэх | дуусах | Нийт төсөв | 2020 онд |
1 | Багийн иргэний танхим шинээр барих /22 байршилд/ | 2020 | 2021 | 20,619 | 7,617 |
2 | Аялал жуулчлалын цогцолбор барих /10 байршилд үүнээс Хэнтийд 6/ | 2020 | 2021 | 19,750 | 11,100 |
3 | Улсын бүртгэл, татварын хэлтсийн барилга | 2020 | 2021 | 30,921 | 13,460 |
4 | Хүүхдийн зуслан байгуулахад / 5 байршилд/ | 2020 | 2021 | 11,025 | 3,138 |
5 | Ахмадын өргөөний барилга /14 байршилд/ | 2020 | 2021 | 7,535 | 3,623 |
6 | Шинэ хорооны байр барихад | 2020 | 2021 | 12,623 | 8,223 |
7 | Сумын төвийн шинэчлэл хөтөлбөр | 2020 | 2020 | 20,000 | 20,000 |
8 | Нийтийн орон сууцны хана, дээвэр, фасад, хашаа будах ажилд | 2020 | 2020 | 58,911 | 38,395 |
10 | Аймгуудын театр, соёлын төвийн барилгын ажлын үргэлжлэлд | 2016 | 2021 | 157,111 | 66,117 |
11 | Шинээр театр, соёлын төвийн барилгын ажил эхлүүлэх, тууз хайчлахад | 2020 | 2022 | 591,354 | 118,348 |
12 | Соёлын төвүүдийн засвар, арчлалтад | 2020 | 2020 | 23,995 | 20,260 |
13 | Соёлын төвүүдэд хөгжим, тоног төхөөрөмж худалдан авахад | 2020 | 2020 | 41,764 | 38,764 |
14 | Монгол улсын 315 сум тус бүрт дэмжлэг, урамшуулал 14-317 сая төгрөг | 2020 | 2020 | 10,067 | 10,067 |
16 | Шинээр зам барилгын ажил эхлүүлэх, тууз хайчлахад | 2020 | 2021 | 117,977 | 51,196 |
Төсвийн хөрөнгө оруулалтын тэвчиж болох дүн | 410,308 |