Уншиж байна ...
Зураг
Зураг
ХУУЧИРСАН МЭДЭЭ: 2020/03/14-НД НИЙТЛЭГДСЭН

Л.Мөнхтүшиг: БНСУ-д нэг монгол иргэн COVID 19-ийн хөнгөн халдвар аваад эдгэж, бие нь эрүүл болсон байна

ikon.mn
2020 оны 3 сарын 14
iKon.MN
Зураг зураг

БНСУ-д Монголын хоёр иргэн халдвар авсан гэх мэдээллийн талаар холбогдох албаны хүн мэдээлэл өглөө.

ГХЯ-ны Консулын газрын дарга Л.Мөнхтүшиг: Өчигдөр БНСУ-д гарсан мэдээллийг шалгасан. Манай улсын иргэн эрүүл саруул байгааг хамгийн түрүүнд хэлмээр байна. Албан ёсны мэдээллийг авахаар бид ажилласан. БНСУ-ын Гадаад яамаар дамжуулж тус улсын ХӨСҮТ-ээс тодруулахад манай иргэдтэй холбоотой нарийн мэдээлэл дутмаг байсан тул бид бүрэн гүйцэд албажуулсны дараа мэдээлэхээр ажилласан. 

Монгол Улсын иргэн, 28 настай Б Дэгү хотод ханиадны шинж тэмдэг илэрч, дүүргийн эмнэлэгт хандаж, 2 дугаар сарын 27-ны өдөр эерэг гэсэн хариу гарсан. Тухайн эмнэлгээс вирусийн хэмжээ маш бага гэсэн тул нэг удаа дусал хийгээд 3 сарын 6, 7-нд дахин шинжилгээ өгөхөд сөрөг хариу гарсан тул эрүүл саруул байгаа.

Албан эх сурвалжаас мэдээлэл авахыг хүсье. 

Нэг иргэн ийнхүү өмнө нь халдвар авсан нь тогтоогдсон. Нөгөө нь элэгний хурц үрэвслийн улмаас нас барсан иргэн байгаа. Тиймээс манай иргэд тайван байж болно.

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.