2020/07/07
Америк доллар
МОНГОЛ БАНК:
2,828.11₮
B30
УЛААНБААТАР
30°
|
15°
B30
УЛААНБААТАР
27°
|
18°
B30
УЛААНБААТАР
21°
|
14°
05:00
S29
12°
06:00
S30
13°
07:00
S30
14°
08:00
S30
15°
09:00
S30
16°
10:00
S32
18°
11:00
S32
20°
12:00
S32
22°
13:00
S30
24°
14:00
S30
27°
15:00
S30
27°
16:00
S30
26°
Энэ мэдээ хуучирсан буюу 2020/03/13 -нд нийтлэгдсэн мэдээ болно.

Олон улсын цэргүүд COVID-19-ийн эсрэг Монголын далбаан дор нэгдсэн үү?

Б.Жаргалмаа, IKON.MN
2020 оны 3 сарын 13
iKon.MN
00:00 00:00
Олон улсын цэргүүд COVID-19-ийн эсрэг Монголын далбаан дор нэгдсэн үү?
Sara, ikon.mn - text to speech

Олон улсын цэргүүд коронавирусийн эсрэг Монголын төрийн далбаан дор нэгдэж хийсэн гэх видео бичлэг олон нийтийн сүлжээгээр цацагдаад байгаа билээ. 

Видео:

https://www.facebook.com/munkhtengeriin/videos/1873049332827693/

Олон нийт энэхүү бичлэгийг шинэ коронавирусийн халдвар гарснаас хойш зориуд хийсэн хэмээн ойлгож байгаа тул фактчек буюу баримтыг factcheck.mn хамтран нягталж, бичлэгийг анх цацсан "Монгол цэрэг-дэлхийн цэрэг" фэйсбүүк хуудсаар дамжуулан эх сурвалжтай холбогдож энэ талаар тодруулсан юм.

Тэгвэл энэхүү бичлэгийг шинэ коронавирусийн халдвар тархсан энэ хүнд үед эерэг хандлага түгээх зорилгоор бага зэрэг эвлүүлэн цацсан гэдгээ "Монгол цэрэг-дэлхийн цэрэг" фэйсбүүк хуудасны эх сурвалж тайлбарлалаа. Тэрбээр "Шинэ коронавирусийн халдвар тархаад буй энэ хүнд үед монголчууд дэлхийн нэг иргэн гэдгээ ойлгож, гаднын улс орны иргэнийг ялгаварлахгүй, эв эетэй байгаасай гэдэг үүднээс бичлэгээ бага зэрэг эвлүүлсэн" гэсэн юм. 

Шинэ коронавирусийн халдвараар гуравдугаар сарын 12-ны байдлаар 125 орны 126,666 хүн өвчилж, 68,326 нь эдгэсэн бол 4,640 хүн амиа алдаад байна. Монгол Улсад энэхүү халдварын анхны тохиолдол франц улсын иргэнээр зөөвөрлөгдөн орж ирсэн хэмээн гуравдугаар сарын 10-нд бүртгэгдээд байгаа юм. 

Уг бичлэгийн үндсэн эхийг өнгөрсөн онд Афганистанд үүрэг гүйцэтгэж буй НАТО-ийн цэргийн эвслээс санаачлан анх хийсэн юм байна.

НАТО-ийн эвсэлд багтдаг АНУ, Итали, Герман зэрэг орны үүрэг гүйцэтгэж буй цэргүүд "We are the world" дууг дуулсан нь бид нэг дэлхийтэй буюу эв нэгдэлд уриалжээ. Харин бичлэг дээр Монголын төрийн далбааны өмнө бүгд нэгдэж дуулсан нь Монгол Улсын үүрэг гүйцэтгэгч цэргүүд тэсвэр хатуужил, дасан зохицох байдал, даалгавар гүйцэтгэх чадвар болоод дархлааны хувьд ч хамгийн сайн үнэлэгддэг бөгөөд үүрэг гүйцэтгэдэг Азийн цөөхөн орны нэг учраас ийнхүү сонгож хийсэн болохыг эх сурвалж тайлбарласан. 

Монгол Улс дэлхийн энхийг сахиулах ажиллагаанд 2002 оноос оролцож ирсэн бөгөөд 2019 оны хагас жил гэхэд давхардсан тоогоор 17,000 орчим цэргээ илгээж, үүрэг гүйцэтгүүлээд буй.

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
x