Уншиж байна ...
Зураг
Зураг
ХУУЧИРСАН МЭДЭЭ: 2020/03/11-НД НИЙТЛЭГДСЭН

Өнөөдрөөс 9 жилийн өмнө болсон Фүкүшимагийн ослыг япончууд дурсаж байна

Э.Сэмүүн, ikon.mn
2020 оны 3 сарын 11
iKon.MN
Зураг зураг
00:00 00:00
Өнөөдрөөс 9 жилийн өмнө болсон Фүкүшимагийн ослыг япончууд дурсаж байна
Sara, ikon.mn - text to speech

2011 оны гуравдугаар сарын 11-ний өдөр хүчтэй газар хөдлөлт, цунамигийн улмаас Токиогоос зүүн хойд зүгт, 220 км зайтай оршдог Фүкүшима Дайчи цөмийн станцад осол гарсан билээ.

Энэ нь Чернобылийн атомын цахилгаан станцын гамшгаас хойш гарсан хамгийн том осолд тооцогддог юм. Ослын улмаас тухайн бүс нутгийн олон зуун мянган иргэн орон гэрээсээ дүрвэж байв.

Өнөөдөр Японы засгийн газар Фүкүшимагийн гамшгийг санан дурсах арга хэмжээг зохион байгуулахаар төлөвлөөд байсан ч коронавирусийн тархалтаас сэргийлэх зорилгоор цуцалсан байна.

Ерөнхий сайд Абэ Шинзо болон албаны цөөн хүн бага хэмжээний ёслолын арга хэмжээнд оролцжээ. Тэдний суух сандлыг хол зайтай байрлуулсан нь Covid-19 вирусийн халдвараас сэрхийлэх зорилготой байв.

Абэ Шинзо хэлсэн үгэндээ халдварт өвчнөөс сэргийлэх шаардлагаар Фүкүшимагийн гамшгийг санан дурсах арга хэмжээг өргөн хүрээнд зохион байгуулж чадаагүйдээ уучлал гуйсан байна.

Тэрээр энэ зун зохион байгуулагдах Токио 2020 зуны олимпийн наадмаар Япон улс гамшгийн дараа хэрхэн сэргэн босож чадсанаа дэлхий дахинд харуулах хүсэлтэйгээ илэрхийлжээ.

Гэвч Covid-19 вирусийн тахалтай холбоотойгоор долдугаар сарын 24-нд эхлэх Токио 2020 зуны олимпийн наадам цуцлагдах, хойшлох, эсвэл үзэгч, хөгжөөн дэмжигчгүй болж өнгөрч болзошгүй тухай яриа сүүлийн үед улам нэмэгдэж байна. 

Япон улсад шинэ коронавирусийн халдварын тохиолдол 1,300 орчим бүртгэгдсэний дотор “Diamond Princess” аяллын хөлгөөс илэрсэн 700 орчим тохиолдол багтаж байгаа юм.

 

Эх сурвалж: Reuters

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.