2020/08/15
Америк доллар
МОНГОЛ БАНК:
2,847.99₮
B30
УЛААНБААТАР
26°
|
11°
B30
УЛААНБААТАР
23°
|
14°
B30
УЛААНБААТАР
21°
|
12°
01:00
S31
10°
02:00
S31
10°
03:00
S31
04:00
S31
05:00
S31
06:00
S32
07:00
S32
10°
08:00
S32
12°
09:00
S32
14°
10:00
S32
16°
11:00
S32
19°
12:00
S32
20°
Энэ мэдээ хуучирсан буюу 2020/03/11 -нд нийтлэгдсэн мэдээ болно.

А.Амбасэлмаа: Франц иргэнийг хаагуур явсныг дахин нарийн тодорхойлж, хавьтлын хавьтлуудыг цааш судална

Г.Өлзийхутаг, iKon.mn
2020 оны 3 сарын 11
iKon.MN
Зураг
Гэрэл зургийг Mpa.mn
00:00 00:00
А.Амбасэлмаа: Франц иргэнийг хаагуур явсныг дахин нарийн тодорхойлж, хавьтлын хавьтлуудыг цааш судална
Sara, ikon.mn - text to speech

Эрүүл мэндийн яамнаас COVID-19 халдварын цаг үеийн асуудлаар ээлжит мэдээллээ хийлээ.

Энэ үеэр ХӨСҮТ-ийн Тандалт судалгааны албаны дарга А.Амбасэлмаа хэлэхдээ “Халдвар авсан хүнтэй нэг, хоёрдугаар хавьтал болсон хүмүүсийг тусгаарлана гэдэг нь халдвар судлалын мэргэжлийн үйл ажиллагаа.

Тиймээс хоёрдугаар хавьтлын хүнийг ч тусгаарлаж болдог.

40 орчим хүний бүрэлдэхүүнтэй халдвар судалгаа хийх баг хоёр шөнө нойргүй хонож, нийт 338 хүнээс асуумж, судалгаа авч ажиллалаа. Энэ дотроос 171 хүнийг ойрын хавьтал гэж авч үзэж тусгаарласан.

Үүнээс Улаанбаатар хотод 98 хүнийг ХӨСҮТ-д тусгаарласан бөгөөд Дорноговь аймагт халдвартай хүнтэй вагонд сууж явсан 28 хүнийг аймгийн төвд нь ажиглалтад тусгаарлагдсан.

Мөн камп дээр нь 64 хүнийг ойрын хавьтал гэж үзэж тусгаарласнаас гадна Орхон, Сэлэнгэ, Увс аймаг болон Налайх дүүрэгт хүмүүс тусгаарлагдсан байгаа. Тэдгээр хүний шинжилгээний дээжийг авсан, түрүүч нь ирсэн байгаа.

Одоогоор нийтдээ 171 хүний шинжилгээ хийгдэж байгаа бөгөөд урьдчилсан байдлаар 23 хүний шинжилгээнд COVID-19 илрээгүй.

Өчигдөр шөнийн 23:00, 00:00 цагт ар араасаа ирсэн хүмүүсийн шинжилгээ удахгүй гарна. Эхний шинжилгээний дараа тэдгээр хүмүүсээс 7, 14, 21 хоногт нь давтан шинжилгээг авах бөгөөд эдгээр ажлууд зөөвөр зөвлөмжийн дагуу үргэлжлээд явна.

Шинжилгээний хариу гарах цагийн асуудлын хувьд тодруулж хэлэхэд, бид дэлгэрэнгүй шинжилгээ хийж, бусад томуугийн вирусийг илрүүлэх, хүндэрсэн хатгааны шинжилгээ хийх бол тухайн хүний шинжилгээний хариу 24 цагаас дээш хугацаанд ч гарч болдог. Энэ бол мэргэжлийн ажил" гэв.

Мөн тэрбээр "Өнөөдөр гүнзгийрүүлсэн судалгаа хийгдэх бөгөөд тухайн халдвар авсан Франц иргэнийг хаагуур явсныг дахин нарийн тодорхой болгож, хавьтлын хавьтлуудыг цааш судална. 

Тухайн иргэнтэй ойрын болон хавьтлын хавьтлууд болсон иргэдийн зарим нь тусгаарлагдаж ирж байгаадаа гомдож байна. Халдварт өвчин хэзээ ч хэнийг ч өвчлүүлж болно. Гол нь бид зохион байгуулалт сайтай  байж халдварт өвчнийг ялна" хэмээн онцлов.

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
x