2020/04/04
Америк доллар
МОНГОЛ БАНК:
2,779.78₮
B30
УЛААНБААТАР
13°
|
-1°
B30
УЛААНБААТАР
10°
|
B30
УЛААНБААТАР
|
-3°
02:00
S31
03:00
S31
04:00
S31
-1°
05:00
S31
-2°
06:00
S31
-2°
07:00
S32
-1°
08:00
S32
09:00
S32
10:00
S32
11:00
S30
12:00
S30
11°
13:00
S30
12°

Өнөөдөр нийслэлийн хэмжээнд 4,000 тонн шахмал түлш нийлүүлж байна

Б.МАНЛАЙ, IKON.MN
2020 оны 2 сарын 23
iKon.MN

Сар шинийн өдрүүд тохиож байгаатай  холбоотойгоор Нийслэлийн засаг Даргын Агаар, орчны бохирдол хариуцсан орлогч Д.Мөнхжаргал Тавантолгой түлш ХК болон Дүүргүүдийн холбогдох албан тушаалтнуудыг хамруулсан өргөтгөсөн хуралдаан зохион байгууллаа.

Хуралдаанд НЗДТГ-ын дарга Р.Батрагчаа, НЗДТГ-ын Төрийн захиргаа удирдлагын хэлтсийн дарга Ү.Ганболд, Дүүргүүдийн орлогч дарга нар, Тавантолгой түлш ХК-ийн төлөөлөл оролцож түлш борлуулалтын нөхцөл байдлын талаар зөвлөлдлөө. Сар шинийн баяр тохиож байгаа учраас зарим борлуулалтын цэгүүд ажиллахгүй байгаа учраас,ажиллах цэгүүдэд түлш хүргүүлэх ажлыг зохион байгуулах шаардлага бий болжээ. Энэ хурлаар нийслэлд түлш тасалдахгүй байх,ажиллахгүй байгаа цэгүүдийн оронд явуулын түлш борлуулалтын цэг ажиллуулахаар болж байна.

Тавантолгой түлш ХК-ийн борлуулалт,маркетингийн  хэлстийн дарга Д.Миняа хэлэхдээ Тавантолгой түлш ХК өдөртөө гурван мянган тоннтүлш үйлдвэрлэх хүчин чадалтай.Үйлдвэрлэлийн хувьд тасалдсан асуудалгүй хэвийн ажиллаж байна.Сар шинийн баяр тохиож байгаатай холбоотойгоор иргэд түлш нөөцөлж эхэлсэн нь борлуулалтын цэгүүд түлшгүй болох нөхцөл байдлыг бий болгож байна.

Гэхдээ түлшгүй цэгүүдийг яаралтай түлшээр хангах ажлыг зохион байгуулна. Дүүргүүд мэдээллээ цаг тухай бүрт өгч ажиллах хэрэгтэй байна” гэв.

Нийслэлд түлш борлуулах 360 цэг байгаа бөгөөд тэдгэрийн тодрхой хувь нь түлшгүй болсон гэсэн мэдээлэл иргэдээс ирүүлжээ. Тиймээс тэдгээр түлшгүй цэгүүдийг түлшээр хангах,хяналт тавьж ажиллах чиглэлийг дүүргүүдийн холбогдох албан тушаалтнуудад чиглэл болгон өглөө.

Цэгүүдийн түлшний хангамжийн талаарх зураглалыг гаргаж,түлшгүй,ажиллахгүй байгаа цэгүүдэд түлш хүргүүлэх ажлыг зохион байгуулахаар боллоо.Мөн  иргэд аль болох дундын цэгүүдэд очин түлш худалдан авах нь хүлээгдэл ачаалал бага гэдгийг холбогдох албан тушаалтнуудаас өгч байна.Хуралдааны дараагаар холбогдох албан тушаалтнууд түлшний цэгүүдээр ажиллаж,түлшгүй цэгүүдийг түлшээр хангах ажилд хяналт тавьж ажиллахаар боллоо хэмээн Нийслэлийн ЗДТГ-ын Хэвлэл мэдээлэлтэй харилцах хэлтсээс мэдээллээ.

Мөн Нийслэлийн Онцгой комисс өчигдөр хуралдаж, баяр, амралтын өдрүүдэд шахмал түлшний түгээлт нийлүүлэлт болон тээвэрлэлтийг тасалдуулахгүйгээр хэвийн үргэлжлүүлэхийг Хотын захирагч С.Амарсайхан нийслэлийн Агаар орчны бохирлын асуудал хариуцсан төслүүдийн удирдагч Д.Мөнхжаргал, Зам тээврийн асуудал хариуцсан төслүүдийн удирдагч Б.Отгонсүх нарт үүрэг болгосон юм.

Түүнчлэн энгийн өдрүүдэд 3,200 тонн байдаг шахмал түлшний нийлүүлэлтийг баярын өдрүүдэд нэмж ажиллахаар шийдвэрлэжээ. Тухайлбал, өнөөдөр нийслэлийн хэмжээнд 4,000 тонн шахмал түлш түгээж байна.

x