• 4 сарын 25, Пүрэв
|
|
Уншиж байна ...
ХУУЧИРСАН МЭДЭЭ: 2020/02/21-НД НИЙТЛЭГДСЭН

Хятадын Хубэй мужид өчигдөр коронавирусийн халдварын 411 тохиолдол илэрч, 115 өвчтөн нас баржээ

Э.Сэмүүн, ikon.mn
2020 оны 2 сарын 21
iKon.MN
Зураг зураг

Өчигдөр буюу Пүрэв гарагт төв Хятадын Хубэй мужид шинэ коронавирусийн халдварын 411 тохиолдол бүртгэгдэж, халдвар авсан 115 өвчтөн нас барсан тухай өнөөдөр өглөө мэдээллээ.

Лхагва гарагт тус мужийн захиргаа халдварын 349 шинэ тохиолдол бүртгэгдэж, 108 өвчтөн нас барсныг мэдээлж байв.

Өчигдрөөс эхлэн Хятадын эрх баригчид халдварын тохиолдлыг тоолох аргаа дахин өөрчилсний улмаас Лхагва гарагийн тоо нь нэгдүгээр сарын 23-наас хойшх хамгийн бага үзүүлэлт болсон юм.

Шинэ халдварын тоо буурахад мөн Ням гарагаас эхлэн Ухань хотод хэрэгжсэн хөл хорионы хатуу дэглэм нөлөөлсөн гэж үзэж байна.

Өнөөдрийн тоог нэмсний дараа Covid-19 вирусийн халдварын тохиолдол дэлхий дахинд 75,773, нас барсан өвчтөний тоо 2,129 болжээ.

Нийт 16,329 хүн халдвар авсны дараа бүрэн эдгэрч, эмнэлгээс гарсан байна.

 

Эх сурвалж: South China Morning Post

 
ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.