2020/09/24
Америк доллар
МОНГОЛ БАНК:
2,855.05₮
B30
УЛААНБААТАР
20°
|
B30
УЛААНБААТАР
23°
|
B30
УЛААНБААТАР
11°
|
05:00
S31
06:00
S31
07:00
S32
08:00
S32
09:00
S32
10:00
S30
11:00
S30
11°
12:00
S30
13°
13:00
S30
15°
14:00
S30
17°
15:00
S30
18°
16:00
S26
19°
Энэ мэдээ хуучирсан буюу 2020/02/10 -нд нийтлэгдсэн мэдээ болно.

"Манай улсын хувьд Ливингстон аралд цаг уурын автомат станц суурилуулж, зургаан хүн амьдрах байр бариулж байна"

ikon.mn
2020 оны 2 сарын 10
iKon.MN
Зураг

БОАЖ-ын сайд Н.Цэрэнбат ШУТИС-ийн Геологи, уул уурхайн сургуулийн тэргүүлэх профессор, шинжлэх ухааны доктор, туйл судлаач Л.Дүгэржавыг өөрийнх нь хүсэлтээр хүлээн авч уулзав.

Туйл судлаач Л.Дүгэржав “Антрактид тивд Монгол Улс судалгааны бааз байгуулахад БОАЖЯ-наас санхүүгийн дэмжлэг үзүүлж, хамтарч ажиллаж байгаад талархаж байна. Анх 1959 онд 2059 он хүртэл Антарктидын олон улсын гэрээг үзэглэсэн учир тус тив 2059 он хүртэл хэн нэгний эзэмшил болохгүй. Одоогоор 54 орон судалгаа хийж байгаагаас 29 нь л судалгааны бааз байгуулсан. Манай улсын хувьд Ливингстон аралд судалгааны бааз байгуулж, геологийн зураглал хийн, цаг уурын автомат станц суурилуулж, зургаан хүн амьдрах орон сууц бариулж байна” хэмээн ярилаа.

БОАЖ-ын сайд Н.Цэрэнбат “Монгол Улс Антарктидын олон улсын гэрээнд нэгдэж судалгааны бааз байгуулсан цөөн орны тоонд багтаж байгаад баяртай байна. Антракид тивд судалгааны бааз байгуулна гэдэг тус тивд өөрийн гэсэн газартай болж байна гэсэн үг. Тиймээс БОАЖЯ цаашид эрдэмтэд та бүхний хийж буй ажлыг дэмжиж ажиллана” гэв.

Антрактид тив нь дэлхийн хуурай газрын 10 хувийг эзэлдэг, 15 сая ам/км газар нутагтай. Дунджаар 2,400 метр зузаан мөсөөр хучигдсан, дэлхийн цэвэр усны нөөцийн 80 орчим хувийг мөс хэлбэрээр хадгалдаг. Монгол Улс Антарктидын олон улсын гэрээнд 2015 нэгдсэнээр судалгаа хийх эрхтэй болсон юм гэж БОАЖЯ-наас мэдээллээ.

x